Tanha tanha dukh jhelen ge mehfil mehfil gayen ge..

Advertisement Links
 

Tanha tanha dukh jhelen ge mehfil mehfil gayen ge,
Jab tak ansuu paas rahen ge tab tak geet sunayen ge,

Tum jo socho woh tum jano hum to apni kehte hain,
Dair na karna ghar aane main warna ghar kho jayen ge,

Bachon ke chote hathon ko chand sitare chhune do,
Chaar kitaben parh kar yeh bhi hum jese ho jayen ge,

Achi surat wale sare pathardil hon mumkin hai,
Hum to us din raaye dain ge jis din dhoka khayen ge,

Kin rahon se safar hai asan kaun sa rasta mushkil hai,
Hum bhi jab thak kar bethen ge auron ko samjhayen ge..