Har Subah Teri Yaadon Ke Panchhi Chahakte Hain

Advertisement Links
Har Subah Teri Yaadon Ke Panchhi Chahakte Hain
Har Raat Teri Yaadon Ke Jugnu Chamakte Hain

Jaise Haseen Paaon Me Ho Chandi Ki Payal
Tere Khhayal Mere Zehen Me Jhanakte Hain

Hum Tumse Kya Mile Ki Ab Haal Hai Aisa
Jo Maykashi Ke Baad Ye Qadam Bahakte Hain

Zulfon Ke Saaye Hain Ya Hai Neend Ki Chadar
Khulti Hai Aankh Jab Tere Kangan Khanakte Hain

Apnon Se Bhi Zyada Azeez Ho Gayee Hain Aap
Hum Bhi Kya Tumhe Kabhi Apne Se Lagte Hain?

Na Dhal Sake Alfaz Me Jo Samne Tere
Armaan Wahi Dil Me Ab Tak Sulagte Hain

Jab Raat Ki Tanhaian Hoti Hain Andheri
Tere Hi Khhwabon Ke Sitaare Chamakte Hain

Tum Zindagi Me Meri Aayi Ho Kuchh Aise
Taare Nazar Aate Hamein Jaise Ufaq Pe Hain

Unke Khayalon Me Ik Kashish Si Hai ‘Chaman’
Har Pal Jo Teri Saanse Banke Mahakte Hain..