Badhne Laga Hai Ye Dil Uski Raahon Me

Advertisement Links
Ye Dil Aahista-Aahista Apni
Hadon Ke Paar Jaane Laga,
Wo Chehra Jo Ab Tak Pehchaan Tha
Jindgi Sa Nazar Aane Laga,

Ye Panchhi Apne Paron Ki
Seemaon Se Uncha Udne Laga,
Wo Apne Paron Par Chamta Se
Adhik Vishvaas Karne Laga,

Uski Aankhon Ke Darpan Me
Mai Apni Hi Jhalak Paane Laga,
Mere Khayalon Me Mehfooz Wo Chehra
Mujhe Usme Nazar Aane Laga,

Chaane Lagi Wo Mere Aakash Me
Apna Chehra Apni Muskan Liye,
Badhne Laga Hai Ye Dil, Uski Raahon Me,
Dard Ka Saamaan Liye