Bhulaa bhi de usay jo baat ho gayi pyare..

Advertisement Links

Bhulaa bhi de usay jo baat ho gayi pyare,
Naye charaagh jalaa, raat ho gayi pyare,

Teri nigah-e-pasheman ko kaise dekhoon ga,
Kabhi jo tujh se mulaqat ho gayi pyare,

Na teri yaad, na duniya ka gham, na apna khayal,
Ajeeb surat-e-halaat ho gayi pyare,

Udaas udaas hain shamen, bujhe bujhe saaghar,
Yeh kesi sham-e-kharabaat ho gayi pyare,

Wafa ka naam na le ga koi zamane main,
Hum ehl-e-dil ko agar maat ho gayi pyare,

Tumhen to naaz bohat doston pe tha jalib,
Allag-thalagg se ho kya baat ho gayi pyare..