Jaane Kis Jurm Ki Mujh Ko Ye Saza Deta Hai

Advertisement Links
Jaane Kis Jurm Ki Mujh Ko Ye Saza Deta Hai
Aaj Ke Daur Mein Jeene Ki Dua Deta Hai

Aaj Ke Daur Ke Insaan Ka Kirdaar Hai Ye
Dil Mein Rakhta Hai Hasad Muh Se Dua Deta Hai

Es Daur Mein Sanaa Apni Hoti Hai Gar Do Logo Mein
Toh Dil Mera Badh Ke Meri Maa Ko Dua Deta Hai

Jigre Itrat Koi Bolo Ke Khamosh Rahe
Chahra Khud Nasl Ki Tabir Bata Deta Hai

Zikr Mehboob Ka Shola Bhi Hai Akseer Bhi Hai
Ye Jilata Hai Unhe Hum Ko Jala Deta Hai

Ab Ke Insaan Mein Ek Khubi Ye Bhi Hai
Mango Marham To Ye Namk Bhi Laga Deta Hai

Jab Bhi Aata Hai Labz E Watan Kisi Tehrir Mein
Aisa Lagta Hai Koi Mujh Ko Sadaa Deta Hai

Ye Zamana Bhala Kya Dega Tumhe Aey Logo
Us Se Maango Jo Umeedo Se Sewa Deta Hai

Tune Maanga Hi Nahi Us Shiddat Se Kamsin Warna
Tu Bhi Kya Dekhti Allah Mera Kya Deta Hai