Aye Roop Nagar Ki Shehzadi

Advertisement Links
Aye Roop Nagar Ki Shehzadi
Thorhi Se Inaayat Ho Jaye
Ik Roz Agar Tum Chupkay Se
Meri Aankhon Ko Sairaab Karo

Baychain Mera Dil Rehta Hai
Kuch Aur Isay Baytaab Karo
Is Talkh Haqeeqat Sehra Ko
Ik Meetha Sundar Khuwab Karo

Ik Roz Meherban Ho Jao
Maray Dil Kay Nigehbaan Ho Jao
Is Tapti Dhoop Ki Sakhti Main
Ik Shaam Ki Chhao’on Mil Jaye

Murjha Se Gaye Hain Din Maray
Ik Shaam To Meri Khil Jaye
Aur Shayed Maray Honton Se
Har Zakhm Tera Bhi Sil Jaye

Hum Qais Nahi Farhad Nahi
Par Phir Bhi Kaheen Aabad Nahi
Shayed Ye Karishma Ho Jaye
Tumhain Hum Se Mohabbat Ho Jaye

Aye Roop Nagar Ki Shehzadi
Thorhi Se Inayat Ho Jaye