Mohabbaton Ki Dastaan

Advertisement Links
Khamoshiyon Ki Zubaan Bohat Kum Loog Samajhtey Hain
Deewangee Ki Kahaniyan Bohat Kum Loog Samajhtey Hain

Samajhna Bhi Chaahain To Samajh Na Sakain Gay
Mohabbaton Ki Dastaan Bohat Kum Loog Samajhtey Hain

Bujhanay Say Matlab Hay Roshan Chiraghon Ka Saweyra
Sapnoon Ki Kehkahsaan Bohat Kum Loog Samajhtey Hain

Jeenay Ko To Jeetey Hain Kaliyoun Ki Chah Main Mager
Judaiyoun Ki Khizaan Bohat Kum Loog Samajhtey Hain

Sadiyoun Tak Rahay Jis Dil Ki Panahon Main Basay
Usi Ki Nazdeekiyaan Bohat Kum Loog Samajhtey Hain

Thokar Pay Thokar Phir Bhi Hay Safar Jari
Beykhudi Ki Dushwariyan Bohat Kum Loog Samajhtey Hain

Youn To Ho Jata Hay Her Koi Teer-E-Nazar Ka Shikaar
Aashiqee Ki Gehraiyaan Bohat Kum Loog Samajhtey Hain

Roz Bajtey Hain Galiyoun Main Khushi Kay Shadiyaanay
Mussaratoon Ki Shehnaiyaan Bohat Kum Loog Samajhtey Hain

Labon Pay Muskurahat Ho Dil Main Ghum Bay Shumar
Kisi Ki Tanhaiyaan Bohat Kum Loog Samajhtey Hain

Nazuk Hay Zara Shaiki Wadey Wafa Ka Chalan
Is Ki Mazbootiyaan Bohat Kum Loog Samajhtey Hain