Unhen Pataa Bhi Chalen Aur Vo Khafaa Bhi Na Ho

Advertisement Links
Sazaa Kaa Haal Sunaaye Jazaa Ki Baat Karen
Khudaa Milaa Ho Jinhen Vo Khudaa Ki Baat Karen

Unhen Pataa Bhi Chalen Aur Vo Khafaa Bhi Na Ho
Is Ehatiyaat Se Kyaa Mazaa Ki Baat Karen

Hamaare Ahad Ki Tahazib Mein Qabaa Hi Nahin
Agar Qabaa Ho To Band-E-Qabaa Ki Baat Karen

Har Ek Daur Kaa Mazahab Nayaa Khudaa Laataa
Karen To Ham Bhi Magar Kis Khudaa Ki Baat Karen

Vafaashiyaar Kai Hain Koi Hasin Bhi To Ho
Chalo Phir Aaj Usi Bevafaa Ki Baat Karen