Sunate Hain Ki Mil Jaati Hai

Advertisement Links
Sunate Hain Ki Mil Jaati Hai Har Chiz Duaa Se
Ek Roz Tumhen Maang Ke Dekhenge Khudaa Se

Tum Saamane Baithe Ho To Hai Kaif Ki Baarish
Vo Din Bhi The Jab Aag Barasati Thi Ghataa Se

Ae Dil Tu Unhen Dekh Kar Kuchh Aise Tadapanaa
Aa Jaaye Hansi Un Ko Jo Baithe Hain Khafaa Se

Duniyaa Bhi Mili Hai Gam-E-Duniyaa Bhi Milaa Hai
Vo Kyun Nahin Milataa Jise Maangaa Thaa Khudaa Se

Jab Kuchh Na Milaa Haath Duaaon Ko Uthaakar
Phir Haath Uthaane Hi Pade Hamako Duaa Se

Aaine Men Vo Apani Adaa Dekh Rahe Hain
Mar Jaaye Ki Ji Jaaye Koi Unaki Balaa Se