Khud Dil Mein Rah Ke Aankh Se Pardaa Kare Koi

Advertisement Links
Khud Dil Mein Rah Ke Aankh Se Pardaa Kare Koi
Haan Lutf Jab Hai Paake Bhi Dhundha Kare Koi

Tum Ne To Hukm-E-Tark-E-Tamanna Suna Diya
Kis Dil Se Aah Tark-E-Tamannaa Kare Koi

Duniya Laraz Gaii Dil-E-Hiramaan_nasib Ki
Is Tarah Saaz-E-Aish Na Chheda Kare Koi
(Hiramaa.N_nasiib=nasiib Ke Maare Hue)

Mujh Ko Ye Aarazuu Vo Uthaayen Naqaab Khud
Un Ko Ye Intazaar Taqaazaa Kare Koii

Rangiinii-E-Naqaab Mein Gum Ho Gaii Nazar
Kyaa Be-Hijaabiyon Kaa Taqaazaa Kare Koi

Yaa To Kisii Ko Jurrat-E-Diidaar Hii Na Ho
Yaa Phir Merii Nigaah Se Dekhaa Kare Koi

Hoti Hai Is Mein Husan Ki Tauhin Ai ‘Majaz’
Itana Na Ahal-E-Ishq Ko Rusava Kare Koi