Kahan Yaad Rakhein Wo Hum Jaise Aashiq Ko

Advertisement Links
Khamoshi Ke Andheron Mein Jab Aashiq Doob Jaate Hain,
Sanam-Khaane Ke Kuch Maghroor Sheeshe Toot Jaate Hain,

Suna Tha Ishq-E-Awwal Ka Madaawa Dusra Hoga,
Kahin Dekhein To Wo Khwaabon Mein Aake Rooth Jaate Hain,

Tumhari Yaad Jo Aaye Kabhi Poonam Ki Raaton Mein,
Meri Aankhon Ke Sagar Rote-Rote Sookh Jaate Hain,

Kabhi Jhonke Hawa Ke Jab Tumhe Chhukar Guzarte Hain,
Lage Haathon Hamara Haal Bhi Wo Pooch Jaate Hain,

Lagaa Mehndi Kabhi Khidki Ke Parde Ko Pakad Jhaankein,
Likha Jo Naam Haathon Mein Chupaana Bhool Jaate Hain,

Kahan Tak Yaad Rakhein Wo Bhala Hum Jaise Aashiq Ko,
Ajab Se Shakhs Hain Ehsaan Karke Bhool Jaate Hain,

Qaraar Aaye Agar Ik Shaam Uski Jheel Aankhon Mein,
Kisi Suraj Ke Jaise “Shaad” Tanha Doob Jaate Hain.

By Sameer Shaad