Gumnamiyon Mein Rehna Nahi Hai

Advertisement Links
Gumnamiyon Mein Rehna Nahi Hai Kabool Mujhko
Chalna Nahi Gawara Kabhi Saya Banke Peeche

Wo Dil Mein Hi Chupa Hai Sab Jaante Hain Lekin
Kyu Bhagte Firte Hain Dairo-Haram Ke Peeche

Tum Chand Ban Ke Janam Itrao Chahe Jitna
Par Yaad Usko Rakhna Roshan Ho Jiske Peeche

Ab Dost Main Kahoon Ya Usko Kahoon Main Dushman
Jo Muskura Raha Hai Khanzar Chupa Ke Peeche

Main Jaan Se Bhi Jyada Karti Hoon Pyar Tujhko
Kehti Yahi Hai Mujhko Phirti Kisi Ke Peeche

Is Zindagi Ka Maksad Tab Poora Hoga “Neeraj”
Jab Log Yaad Karke Muskaayen Tere Peeche.