Daava To Woh Abhi Bhi Karte Hain

Advertisement Links
Jab Bhi Chaaha Unse Baat Karna Humne,
Na Suna Unhone Kabhi Bhi Jo Bhi Humne Kaha
Na Chaahat Hai Unhe Humari Kisi Baat Ki,
Aur Shaayad Na Chaahat Hai Mujhse Unhe Ab

Daava To Woh Abhi Bhi Karte Hain,
Ki Karte Hain Mohabbat Humse Hi Bepanah Aaj Bhi
Phir Bhi Na Jaane Kyun Jab Bhi Jataana Hota Hai Tab Peeche Hat Jaate Hain??
Na Jaane Kyun Woh Aisa Karte Hain

Jaante Hain Hum Bhi Ki Pyar Karte Hain Woh Humse,
Phir Bhi Ek Shak Sa Dil Mein Ghar Kar Jaata Hai,
Jab Inkaar Kar Dete Hain Woh Baat Karne Se
Ek Shak Zehan Mein Yun Aa Kar Baith Jaata Hai,
Ki Phir Jo Bhi Sochte Hain Hum, Woh Galat Hai Ya Sahi, Kuch Pata Nahi
Na Jaane Kyun Woh Aisa Karte Hain

Yakin Hain Unki Mohabbat Pe Hume,
Phir Bhi Ek Shak Sa Tair Kar Jaata Hai Dil Ki Gehraaiyon Se
Aitbaar Hai Humein Un Pe, Unke Ishq Pe,
Phir Bhi Na Jaane Kyun Yakin Kho Jata Hai Kabhi
Na Jane Kyun Woh Aisa Karte Hain

Pyar Karna To Aata Hai Unhe, Shaayad Jataana Nahi Aata
Aitbaar Karna Aata Hai Unhe, Shaayad Yakin Dilaana Nahi Aata
Na Jane Kyun Woh Aisa Karte Hain

Har Saans Humari Mehakti Hai Unhi Ki Khushboo Se,
Har Baat Humari Behakti Hai Unhi Ki Deewangi Se,
Har Saaz Humara Chehakta Hai Unhi Ki Aawaaz Se,
Har Dhadkan Humari Sunti Hai Unhi Ke Dil Se
Phir Bhi Na Jaane Kyun Woh Aisa Karte Hain
Na Jaane Kyun Woh Aisa Karte Hain?
Na Jaane Kyun?