Chaandani Ko Rusul Kahataa Hun

Advertisement Links
Chaandani Ko Rusul Kahataa Hun
Baat Ko Baausul Kahataa Hun

Jagamagaate Hue Sitaaron Ko
Tere Pairon Ki Dhul Kahataa Hun

Jo Chaman Ki Hayaat Ko Das Le
Us Kali Ko Babul Kahataa Hun

Ittefaaqan Tumhaare Milane Ko
Zindagi Kaa Husul Kahataa Hun

Aap Ki Saanvali Si Surat Ko
Zauq-E-Yazdaan Ki Bhul Kahataa Hun

Jab Mayassar Ho Saagar-O-Minaa
Barqpaaron Ko Phul Kahataa Hun