Nazrein Mila Kar Nazrein Churaya Na Karo

Advertisement Links
Sagar Ki Lehron Sa Itraya Na Karo,
Rukhsar Ko Parde Mein Chhipaya Na Karo,

Dekh To Le Ek Baar Nazrein Mila Ke,
Nazrein Mila Kar Nazrein Churaya Na Karo,

Koi Nahi Samajhta Is Dil Ki Be-Basi Ko,
Sabko Hal-E-Dil Sunaya Na Karo,

Der Se Aana Teri Aadat Hai Sanam,
Aakar Mere Pehlo Mein Jaya Na Karo,

Rokne Se Bhi Nahi Rukta Dil Ka Sailab,
Is Sailab Ko Palkon Par Sajaya Na Karo,

Dekh Ker Tere Jalwe Madhosh Hua Hun,
Mujhe Tum Diwana Bataya Na Karo,

Teri Ek Khushi Ke Liye Jaan Nisar Hai,
Ishq Mein “Shakir” Ko Aajmaya Na Karo,

By Shakir Ali