Sitaaron se aagay jahan aur bhi hain..

Advertisement Links
 

Sitaaron se agay jahan aur bhi hain,
Abhi ishq ke imtihaan aur bhi hain,

Tahi zindagi se nahin yeh fazaayen,
Yahan sainkrron kaarwaan aur bhi hain,

Qanaaat na kar aalam-e- rang-o-buu pr,
Chaman aur bhi aashiyaan aur bhi hain,

Agar kho geya ik nasheman to kya gham,
Maqamaat aah-o-faghaan aur bhi hain,

Tu shaaheen hai parvaaz hai kaam tera,
Tere saamne aasmaan aur bhi hain,

Isi roz-o-shab main ulajh kar na reh ja,
Ke tere zamaan-o-makaan aur bhi hain,

Gaye din ke tanhaa tha main anjumann main,
Yahan ab mere raazdaan aur bhi hain..