Mohabbat Kam Nahi Hogi

Advertisement Links
Jab Tak Duniya Qaayim Hai,
Jab Tak Dam Mein Dam Hai,
Jab Tak Dharrkan Hai Seenay Mein
Jab Tak Sansaaien Hai Jeenay Mein
Mujhay Mehsoos Hota Hai
Mohabbat Kam Nahi Hogi

Mohabbat To Ek Manzir Hai
Jis Mein Rang Bikhartay Hain Titliyoon Kay
Jis Mein Roshni Hoti Hai Jugnuoon Say
Jis Mein Khushboo Mehakti Hai Khwaaboon Say
Jab Tak Mohabbat Ka Mausam Hai
Khwaab Ugtay Rahein Gay
Khwaaboon Ki Harri Shakhein
Ghulab Ugati Rahein Gi
Khushboo Mehkati Rahein Gi
Khush-Rang Titliyaan Phoolun Par
Apnay Rang Bikhrati Rahein Gi

Yeh Khushboo Hamaray Diloon Par
Dastak Day Kar Guzray Gi
Hamari Aankhoon Mein
Nayeh Sapnay Sajaayeh Gi
Ham Ko Yaqin Dilayeh Gi
Mohabbat Kam Nahi Hogi
Mohabbat Kam Nahi Hogi