Haal e dil kehne bari shan se ae the khamar
Abb to sunane ko wo bethe hain to kuch yaad nahin

Hum na samjhe teri nazron ka takaza kia he
Kabhi jalwa kabhi parda ye tamasha kia he

Mujh ko madhosh sa kar rakha her teri ankhon ne
Warna aye saaqi tere maikhaane main rakha kia he

Daikh laila tere majnoo ka kaleja kia he
Khak main mill k bhi kehta he k bigra kia he


Ye surahi sa badan lekay mere samne na aa
Main sharabi hoon sharabi ka bharosa kia he

Apne hathon ko mere honton se chonay tu dey
Ek do ghoont se botal ka bigarta kia he

Ekk Tumharay Rooth Janey Se..!
Kissi Ko Kuchh Nahien Hotaa..!..
Phooll Mehaktay Hain..!
Rangg Bhee Dammaktay Hain..!
Surajj Bhee Niklta Hai..!
Taray Bhee Chamktay Hain..!

Nae diwanon ko dakhain to khoshi hoti hai
Hum bhi aise hi the jab ae the wairane

Mera Sawan Bhi Tum Hoo, Meri Pyaas Bhi Tum Hoo..!
Sehra Ki Bahon Main Chupi Aas Bhi Tum Hoo..!

Tum Yun To Bohat Door Bohat Door Ho Mujh Se..!
Ehsas Ye Hota Hai Mere Paas Bhi Tum Hoo..!

Har Zakham Ki Aaghosh Main Hai Dard Tumhara ..!
Har Dard Main RAHAT Ka Ehsas Bhi Tum Hoo..!

Kho Jao To Veeran Si Ho Jati Hain Rahein ..!
Mil Jao To Phir Jeeny Ka Ehsas Bhi Tum Hoo..!

Likhta Hun To Tum Hi Utarty Ho Qalam Se..!
Parhta Hon To Lehja Bhi Tum, Awaz Bhi Tum Hoo..!

Tumhara naam lene se... mujhe sab jaan jaaty hain
Main wo khoi hoi cheez hon... jis ka pata tum ho

Usko chaha to mohabbat ki takleef samajh aayi..
warna is lafz ki sirf tareef suna karte they....!!

Jandi ae te jaye chahe meri jaan jaye,
din ka sakoon meri raat da araaam jaye,

Ik milda nai ohh jerra puchda aye haal mera,
subah tu din tey jeewain din tu shaam jaye….

Koi Tabeer ka wada nahi krna..?? na kr...
khwab-ger Aaj koi Khwab udhara dy dy...

aye kuch abr kuch sharab aye
us k bad aye jo azab aye

bam-e-mina se mahtab utre
dast-e-saqi main aftab aye

har rag-e-khun main phir charagan ho
samne phir wo benaqab aye

umr k har waraq pe dil ko nazar
teri meher-o-wafa k bab aye

kar raha tha gam-e-jahan ka hisab
aj tum yad behisab aye

na gai tere gam ki sardari
dil main yun roz inqalab aye

jal uthe bazm-e-gair k dar-o-bam
jab bhi ham khanamankharab aye

is tarah apni khamashi gunji
goya har simt se jawab aye

'Faiz' thi rah sar basar manzil
ham jahan pahunche kamayab aye

Tu ehl-e-nazar hy to nahi tujh ko khabar Q...?
pehlo me tere koi zamany se khara hy.

us ko juda hue bhi zamana bahut hua
ab kya kahen ye qissa purana bahut hua

dhalti na thi kisi bhi jatan se shab-e-firaq
ai marg-e-nagahan tera ana bahut hua

ham khuld se nikal to gaye hain par ai khuda
itne se vaqaye ka fasana bahut hua

ab ham hain aur sare zamane ki dushmani
us se zara rabt barhana bahut hua

ab kyon na zindagi pe muhabbat ko var den
is ashiqi main jan se jana bahut hua

ab tak to dil ka dil se tarruf na ho saka
mana k us se milna milana bahut hua

kya kya na ham kharab hue hain magar ye dil
ai yad-e-yar tera thikana bahut hua

kahta tha nasehon se mere munh na aio
phir kya tha ek hu ka bahana bahut hua

lo phir tere labon pe usi bevafa ka zikr
ahmad 'Faraz' tujh se kaha na bahut hua

Wo Kehta Hai
“Batao Besabab Kyun Rooth Jati Ho..?”

Main Kehti Hoon
“Zara Mujh Ko Manao
…Acha Lagta Hai…”

Wo Kehta Hai
“Mera Dil Tum Say Aakhir Kyun Nahe Bharta..?”

Main Kehti Hoon
“Muhabat Ki Koi Had Hi Nahe Hoti…”

Wo Kehta Hai
“Batao Main Tumhain Kyun Bhaa Gaya Itna..?”

Main Kehti Hoon
“Meri Jan Hadsay To Ho Hi Jatay Hain…”

Wo Kehta Hai
“Achanak Main Tumhain Yun Hi Rulaa Doon To..?”

Main Kehti Hoon
“Mujhe Dar Hai K Tum Bhi Bheeg Jao Gay..?

2 Din baqi hein Eid mai

Wada Karo Bari Eid Par

Have a Happy Eid Mubarak

Aapko Eid-ul-Azha Mubarak ho

I’m The First 2 say u Eid Mubarak

Sprite University of Freshology

Happy 3rd Day of Eid-ul-Azha

Wish you a Happy Eid Mubarak

Eid Mubarak to u

Wishing a Very Happy Eid 2 All Muslims

Poocha Jo Un Se Chaand Nikalta Hai Kis Tarhan,
Zulfon Ko Rukh Pe Daal Ke Jhatka Diya Ke, Yun

Kya kahun tum se main ke kya hai ishq,
Jaan ka rog hai, bala hai ishq.

Ishq hi ishq hai jahaan dekho,
Saare aalam mein bhar raha hai ishq.

Ishq maashuq ishq aashiq hai,
Yaani apna hi mubtala hai ishq.

Ishq hai tarz-o-taur ishq ke taeen,
Kahin banda kahin Khuda hai ishq.

Kaun maqsad ko ishq bin pohuncha,
Aarzoo ishq wa mudda hai ishq.

Koi khwaahan nahin mahabbat ka,
Tu kahe jins-e-narawa hai ishq.

Mir ji zarad hote jaate hain,
Kya kahin tum ne bhi kiya hai ishq

Kio Rakhun Main Apny Kalam Main Siyahi ?.
Jab Koi Armaan Dil Main Machalta Hi Nahi ?.
Na Jany Kio Sabi Shak Kertay Hain Muj Par ?.
Jab Sukha Gulaab Meri Kitabun Main Milta Hi Nahi ?.
Kashish Tu Bohat Thi Meray Piyar Main ?.
Magar Kiya Keru Koi Pathar Dil Piglta Hi Nahi ?.
Ager Khuda Milay Tu Us Se Apna Piyar Mangun Ga ?.
Par Suna Hay Wo Marney Se Pehlay Kisi Se Milta Hi Nahi ?.

Khoda kare k achanak wo samne aa kar,
Mere labhon ko nae kuch sawal dee jae.

Apne Haathon Ki Lakeeron Mein Basaa Le Mujhko
Mein Hun Tera Naseeb Apna Bana Le Mujhko

Mujh Se TU Poochnay Aaya Hai Wafa Ke Maainay
Ye Teri Saada-Dili Maar Na Daalay Mujhko

TU Ne Dekha Nahee Aainay Se Aagay Kuch Bhee
Khuda Parasti Mein Kaheen TU Na Ganwa Le Mujhko

Khud Ko Mein Baant Na Daalon Kaheen Daaman Daaman
Kar Dia TU Ne Agar Mere Hawaalay Mujhko

Baadaah Phir Baadaah Hai Mein Zeher Bhee Pee Jaon Qateel
Shart Ye Hai Koi Baanhon Mein Sambhaalay Mujhko

Jahan tera naqsh-e-qadam dekhtay hain
khayaban khayaban iram dekhtay hain

Dil aashuftagan khal e kunj dehen kay
sawaida me sair e adam dekhtay hain

Teray sar o qamat say ek qad e aadam
qayamat kay fitnay ko kam dekhtay hain

Tamasha! keh aey mehw e aaynadari
tujhay kis tamanna say ham dekhtay hain

Bana kay faqeeron ka ham bhais Ghalib
tamasha e ahl e karam dekhtay hain

Neendain girvi hain us ke paas,
Mohabbat ka qarz liya tha jis se..

Band pinjroon me parindoon ko daikha hai kbhi,
Aise sisakte mohabat ke mujrim nahi dekhe..

Kash tu dekh sakta mujhay raat ke us pehar main,
kitni bedardi say teri yad meri neend chura layti hai

Yeh koun bataye, Adam abad hai kya,
Toti hui qabrun se sadaa tak nahi ati..

Ye visaal hai k kamal hai meri khwaishon k hajoom ka
Main jis traf Nigah kron... mujhe Her traf Wo Dikhai dy

Yehi Thokren – Zindagi Shayar in Urdu

Mushkilen Dil K Irade Aazmayen Gi
Nigahon Se Khuwabon K Parde Hataye Gi
Gir Kar Kabhi Himat Na Harna
Yehi Thokren Tumhain Zindagi Main Chalna Sikhayen Gi

Barson Kay Baad Dekha , Ak Shaks Dil Ruba Sa
Ab Zehen Main Nahi Hay, Par Naam Tha Bhala Sa

Abro Khichay Khichay Sey Aankhain Jhuky Jhuky See
Baatain Rukay Rukay Say, Lehja Thaka Thaka Sa

Khowabon Main Khowab Us Ka, Yaadon Main Yaad Us Ki
Nendon Main Ghul Gaya Ho, Jesay Keh Rat-Jaga Sa

Pehlay Bhi Log Aaye, Kitnay Hi Zindagi Main
Lekin Wo Har Tarah Say, Ouron Say Tha Juda Sa

Aglee Mohabaton Nay, Wo Na-Muradiyaan Deen Thin
Taza Rafakaton Say, Kuch Dil Tha Dara Dara Sa

Kuch Ye Keh Muddaton Say, Hum Bhi Nahi They Roye
Kuch Zehar Main Bujha Tha Ehbaab Ka Dilasa

Ab Sach Kahain Tu Yaron, Hum Ko Khabar Nahi Thi
Ban Jaye Ga Kayamat, Ak Wakiya Zara Sa

Taivar Be-Rukhi Kay Andaaz Dosti Kay
Wo Ajnabi Tha Laikin, Lagta Tha Aashna Sa

Hum Dasht They Keh Dariya, Hum Zehar They Keh Amrit
Nahak Tha Za’am Hum Ko, Jab Wo Nahi Tha Pyasa

Mujhe Maut De K Hayat De
Mere Be Hunar Marsat De

Meri Pyaas Sadyon Ki Pyas Hai
Mere Karbala Ko Faraat De

Mere Ratjagon K Hisaab Main
Koi Aik Neend Ki Raat De

?’Kuch to Ae yaar elaj-e-ghum-e-tanhai ho
Baat itni b na brr jaye k ruswai ho

Jis ne b mujhko tamasha sa bana rakha hy
Ab zarori hy wohi aankh tamashai ho

Dobne wale to aankho se b kub nikle hain
Dobne k liye lazim nahi,gehrai ho

Main tujhe jeet b tohfey me nahi de sakta
Chahta ye b nahi hon teri paspai ho

Koi anjan na ho shehr-e-mohabat ka makeen
KASH har dil ki har ik dil se shanasai ho

Yon guzar jata hai MOHsin tere koche se woh
Tera wakif na ho jese koi SODAI ho..!

Neya saal aya...!!
Veera'n subho'n ki Neeli teho'n se obhrta..
Kheyyaba'n-o-Dasht-o-Jabal ki Thatharti khamoshi me..
Barfeeli seeti bajata..
Dabey paao'n aya..
Yukh Aalooda shamo'n ki khamoshia'n..
Oss ke Qadmo'n ki Aahat sametey...
Guzr-gaho'n per, saybano'n me, Noha kina'n hain..
Der ati hi sham ko, Daricho'n ki Dararo'n se...
pur-shor Jhonko'n ki be-mohr Thandak..
Brodat zada panio'n per, prindey..
Kinaro'n per Aistaadah pairo'n ki gham-nak...
shakho'n ki Janib orey ja rahey hen...
Makee'n Aangano'n me, chatto'n per..
Dharktey Dilo'n me hazaro'n kheyyalo'n ki shmaie'n jalaye..
Dabey paao'n atey hoye saal ko dekhtey hain

Sataya na karo humein yun is tarah
Ke hum bhi insaan hai tumhari tarah,
Aaj hum hain,kal na ho, kise maloom
Ho sakta hai ke,phir tum pachtaoo,kise maloom,
Zakhm-e-dil ko aur na zakhmi karo
Ke ye to hai sheeshe se bhi nazuk,
Ek baar toot gaya to judhna hai mushkil
Ho sakta hai,kal tum koshish karo,kise maloom

Sheher Mein Teri Paziraai Na Honay Dongi
TU Mera Hai Tujhay Harjaai Na Honay Dongi

Chup Rahon Gi Jo Kahay Ga Koi Tujh Ko Majnoon
Is Sy Bardh Kar Teri Ruswaai Na Honay Dongi

Yaad Aaon Gi Tujhay Achhay Dinon Ki Soorat
Main Mukammal Teri Tanhaai Na Honay Dongi

Janti Hon Ke Mera Hona Hay Us Say Mashroot
Apnay Dushman Ki Main Paspaai Na Honay Dongi

Achhay Lagtay Hain Mujh Ko Parinday Lekin
Us Ko Unka Bhi Tamannaai Na Honay Dongi..!!

ab ke ham bichhare to shaayad kabhii Khvaabon main milain
jis tarah suukhe hue phuul kitaabon main milain

dhondh ujare hue logon main vafaa ke motii
ye Khazaane tujhe mumkin hai Kharaabon main milain

tuu Khudaa hai na meraa ishq farishton jaisaa
donon insaan hain to kyon itane hijaabon main milain

Gam-e-duniyaa bhii Gam-e-yaar main shaamil kar lo
nashaa barataa hai sharabain jo sharaabon main milain

aaj ham daar pe khainche gaye jin baaton par
kyaa ajab kal wo zamaane ko nisaabon main milain

ab na wo main hon na tu hai na wo maazii hai `Faraaz'
jaise do shaKhs tamannaa ke saraabon main milain

Reh na paoge bhula kar dekh lo,
Yakin na aaye to aajzma kar dekh lo,
Har jagah mehsus hogi meri kami,
Apni mehfil ko kitna bhi saja kar dekh lo

Ek Ajnabi Hay Magar,Rooh-Shanas Lagta Hy
Meri Tarha Mujhy,Wo Bhi Udaas Lagta Hy
Karon Talash Tou Ho Shak Wajood Pe Us K
Jo Aankhain Band Karon,Aas Paas Lagta Hay

dil dharakne ka sabab yad aya
wo teri yad thi ab yad aya

aj mushkil tha sambhalna ai dost
tu musibat main ajab yad aya

din guzra tha bari mushkil se
phir tera wada-e-shab yad aya

tera bhula hua paiman-e-wafa
mar rahenge agar ab yad aya

phir kai log nazar se guzre
phir koi shahar-e-tarab yad aya

hal-e-dil ham bhi sunate lekin
jab wo rukhsat hue tab yad aya

baith kar saya-e-gul main 'Nasir'
ham bahut roye wo jab yad aya

Chandni Raat Ko Saher Kehna
Dosto Yoon Nahi, Magar Kehna,

Ab Kahaan Woh Bahaar Phoolon Ki
Gul-e-Nargis Ko Chashm-e-Tar Kehna,

Bujh Chuke Hain MUhabbaton Kay Charagh
In Diyaaron Ko Ab Khandar Kehna,

Raah Mein Lutt Kay Baythne Waalo
Ab Kisi Ko Na Humsafar Kehna,

Khud Ujaagar Karo Hunar Apna
Dosron Ko Na Kam Nazar Kehna,

Hum Ko Awaargi Kay Parde Mein
Dil Ki Baaten Edhar Udhar kehna,

Zikar Teraa Gali Gali Karna
Haal Apna Nagar Nagar kehna,

Ab Goya Azaab-e-Jaan Hai “Faraz”
Jo Bhi Kehna Ho Soch Kar kehna.

agar yon hi ye dil satata rahega
to ik din mera ji hi jata rahega

main jata hun dil ko tere pas chore
meri yad tujhko dilata rahega

gali se teri dil ko le to chala hun
main pahunchunga jab tak ye ata rahega

qafas main koi tum se ai ham-safiron
khabar kal ki hamko sunata rahega

khafa ho k ai ?Dard? mar to chala tu
kahan tak gam apna chupata rahega

Aaj Phir Teri Yaadon Ka Toofaan Utha Mujh Me
Aaj Phir Neend Ankhon Me Doob K Dum Tor Gai

Apne dil ke kisi koney main chupaa le mujh ko,
Aur zamane ki nigahon se bacha le mujh ko,

Maanti hoon ke meri zaat main hain aib tamam,
Phir bhi haar apne galey ka tu bana le mujh ko,

Main hoon tasveer teri raah main, koi rond na de,
Dil ke sheeshey main mohabbat se saja le mujh ko,

Main to heera hoon magar kis ko hai pehchan meri,
Pyar se barh ke tu hathon mein utha le mujh ko,

Us ke hote huye ab ban’na sanwarna kesa,
Apni chahat se kisi rang main dhaaley mujh ko,

Hijar ki dhoop main jalte huye ik muddat se,
Thak chuki hoon zara seene se laga ley mujh ko,

Zindagi mein aajey gi Sassi teri,
Jab bhi dil chahey tera pass bula le mujh ko