Poetry With Lyrics

Tag: Wasi Shah

Hijar Ka Taara Doob Chala Hai Dhalne Lagi Hai Raat Wasi

23 August, 2013 | Urdu Poetry Shayari |

Hijar Ka Taara Doob Chala Hai Dhalne Lagi Hai Raat Wasi
Qatra Qatra Baras Rahi Hai Ashkon Ki Barsaat Wasi

Tere Bad Ye Duniya Wale Mujh Ko Pagal Kar Den Gay
Khushbo K Dais Men Mujh Ko Le Chal Apne Sath Wasi

Yun Hi Chup Ki Mohar Laga Kar Kb Tak Ghum Sum Betho Gay
Khamoshi Se Dam Ghut_Ta Hai Cherro Koi Bat Wasi

Aj To Us Ka Chehra Bhi Kuch Badla Badla Lagta Hai
Mosam Badla, Duniya Badli, Badl Gay Haalat Wasi

Mere Ghar Khushiyon Ka Ye Raqs Usi K Dam Se Hai
Us K Sath Chali Jay Gi Pholoon Ki Baraat Wasi

Chor Wasi Ab Us Ki Yaden Tujh Ko Pagal Kar Den Gi
Tu Qatra Hai Wo Darya Hai Dekh Apni Auqaat Wasi

Jis se bandhe thay dono, wo gham nahi rahe hain,

23 August, 2013 | Urdu Poetry Shayari |

Jis se bandhe thay dono, wo gham nahi rahe hain,
Tum tum nahi rahe ho, hum hum nahi rahe hain,

Chahat ke geet mein hai, koi kami yaqeenan,
Akhir tere mere sur jam nahi rahe hain,

Ro ro ke tere dukh, sehra sa ho gaya hoon,
Ab aankh ke kinaray bhi nam nahin rahe hain,

Lamhon ke pair par hain, kuch phool dard-e-gham ke,
Jeewan mein ab khushi ke mausam nahi rahe hain,

Tu aur simt mein hai, mein aur simt mein hoon,
Ulfat ke raastay ab baham nahi rahe hhain,

Fikr-e-muaash ne tu jazbon ko rond dala,
Aashiq wagarna hum bhi kuch kam nahi rahe hain,

Raahon mein ab kharha hoon, phelaae haath khali,
Gham thay mera asasa aur gham nahi rahe hain,

Tum hi the meri dunya, tum hi meri muhabbat,
Tum jo nahi tu dono aalam nahi rahe hain..

Hum Tere Hijr Mein Andar Se Bikhar Jaatay Hain

14 August, 2013 | Urdu Poetry Shayari |

Hum Tere Hijr Mein Andar Se Bikhar Jaatay Hain
Zindah Lagtay Hain Magar Asal Mein Mar Jaatay Hain

Jub Kubhi Bolta Hai Hans Ke Kisi Aur Se TU
Kitnay Khanjar Mere Seenay Mein Utar Jaatay Hain

Teri Yaadon Ki “Agar Bat’tiyan” Jal Uthtay Hee
Hum Tere Dard Ki Khushbouon Se Bhar Jaatay Hain

Hum Se Aawaarah Phira Kartay Hain Galyon Mein Kaheen
Shaam Hotay Hee “Wasi” Loog Tou Ghar Jaatay Hain

Apni haatir jage ho, soye ho,

30 July, 2013 | Urdu Poetry Shayari |

Apni haatir jage ho, soye ho,
Apni haatir hanse ho, soye ho,
Kis liye, Aaj khoye khoye ho,

Tum ne aansuu bohat piye apne,
Tum bohat saal reh liye apne,
Ab mere, Sirf mere ho ke raho,

Tum azal se dikhon ke dairey ho,
Chahey khud ko ghamon mein ghairey ho,
Jab se paida huye ho mere ho,

Aaj kholain ge lab siye apne,
Tum bohat saal reh liye apne,
Ab mere sirf mere ho ke raho,

Ab mujhe apne dard sehne do,
Dil ki har baat dil se kehne do,
Meri banhon mein khud ko behne do,

Mudatt’ton zakham khud siye apne,
Tum bohat saal reh liye apne,
Ab mere, Sirf mere ho ke raho,

Hussan hi hussan ho, Zahanat ho,
Aashiq hon mein, Tum to mohabbat ho,
Tum meri , Bas meri amanat ho,

Ji liye, Jis qadar jiye apne,
Tum bohat saal reh liye apne,
Ab mere, Sirf mere ho ke raho,

Rehte ho ranj-o-gham ke ghairon mein,
Dukh ke, asaib ke baseron mein,
Kese choroon tumhain andheron mein,

Tum ko de doon ga sab diye apne,
Tum bohat saal reh liye apne,
Ab mere, Sirf mere ho ke raho..

Mujhe us se mohabbat hai

6 July, 2013 | Urdu Poetry Shayari |

Mujhe us se mohabbat hai,
Magar kese kahoon us se,
Woh meri baat ko sanjeedgi se
kam hi leti hai,
Har ik pal muskurana
Khilkhilaana,
Doston per fikray qassna,
Nit’naye masoom mansoobay banana,
Shokh chanchal har gharri taaza shararat
main bohat masroof rehti hai,

Magar ik aur hadsha bhi hai mujh ko,
Main izhaar se
Iqraar se
khud rokay rakhta hai,
Ke mehke khawab bun’ne, khelne ka waqt hai uska,
Meri chahat
Kahin masoomiyat na cheen le uski,

Sadaa se hum ne dekha hai,
Mohabbat aadmi ko is’qadar sanjeeda karti hai,
Ke phir mehfil, tamashey, khel us ko bojh lagte hain,
Main darta hoon
Kahin yeh bhol’pan us ka,
Yeh har pal cheh’chihaana muskurana sab,
Meri izhaar se sanjeedgi mein na badal jaye,

Kahin us shokhh ko bhi rog koi,
Chup chaap na lag jaye,

Mujhe us se mohabbat hai,
Magar kese kahoon us se….

Dil Mein Bikhray Howay Jaalon Se Pareshaan Na Ho

1 July, 2013 | Urdu Poetry Shayari |

Dil Mein Bikhray Howay Jaalon Se Pareshaan Na Ho
Mere Guzray Howay Saalon Se Pareshaan Na Ho

Meri Aawaaz Ki Talkhi Ko Gawaara Kar Le
Mere Gustaakh Sawaalon Se Pareshaan Na Ho

Mein Ne Maana Teri Aankhain Nahi Khulti Hain Magar
Din Nikalnay De, Ujaalon Se Pareshaan Na Ho

Apni Zulfon Mein Utarti Howi Chaandni Ko Chhupa
Mere Bikhray Howay Baalon Se Pareshaan Na Ho

Ay Nayi Dost Mein Bharpoor Howa Hun Tera
Mere Maazi Ke Hawaalon Se Pareshaan Na Ho

Dekh Yun Door Na Ho Mujh Ko Laga Le Dil Se
Tu Meri Rooh Ke Chhaalon Se Pareshaan Na Ho

Khud Ko Veeraan Na Kar Mere Lye, Jaan Meri
In Pareshaan Khayaalon Se Pareshaan Na Ho

Ashkk girte rahe, dhol bajta raha

16 May, 2013 | Urdu Poetry Shayari |

Ashkk girte rahe, dhol bajta raha,
Log marte rahe, dhol bajta raha,

Ronqain lag gayi’n, roshni barh gayi,
Khawab jalte rahe, dhol bajta raha,

Kitne lachaar they, kitne be’bas they hum,
Hath milte rahe, dhol bajta raha,

Raqss they maseeha mere dam-be’dum,
Dil tarrapte rahe, dhol bajta raha..

24 pages