Poetry With Lyrics

Tag: Urdu Shayari

baha kya na baha na pooch

15 January, 2014 | Ghazal Shayari |

isq me bade behaya ho gye na pooch
dil me mere raqha kya hai na pooch

khusi ke geet se jyada gum ki fitrat h basi
mere alfaz kya roye, rulaye kya na pooch

fakr tha mujko kabhi khud par itna
khak-e-supurd kyuN hua, iman mera na pooch

sehar hyi ab ren beeti ab
beeti ren me baha kya, na baha na pooch

betarteeb beparvah asq bahe dil ke ‘soni’
ke dil me lahu bacha na bacha na pooch

Chand Roz Aur Meri Jan Faqat Chand Hi Roz

28 July, 2013 | Urdu Poetry Shayari | , , ,

Chand Roz Aur Meri Jan Faqat Chand Hi Roz
Zulm Ke Chanv Mein Dam Lene Par Majabur Hain Hum
Ik Zara Aur Sitam Sah Lain Tadap Lain Ro Lain
Apne Ajdad Ke Miras Hai Mazur Hain Hum

Jism Par Qaid Hai Jazbat Pe Zanjire Hai
Fikr Mahabus Hai Guftar Pe Taziren Hain
Aur Apani Himmat Hai Ki Hum Phir Bhi Jiye Jate Hain
Zindagi Kya Kisi Muflis Ke Qaba Hai
Jis Mein Har Ghadi Dard Ke Paiband Lage Jate Hain

Lekin Ab Zulm Ke Miyad Ke Din Thode Hain
Ik Zara Sabr Ki Fariyad Ke Thode Hain

Arsa-e-dahar Ke Jhulasi Hui Virani Mein
Hum Ko Rahana Hai Par Yun Hi To Nahi Rahana Hai
Ajanabi Hathon Ka Benam Garan-bar Sitam
Aj Sahana Hai Hamesha To Nahi Sahana Hai

Ye Teri Husn Se Lipati Hui Aalam Ke Gard
Apani Do Roza Javani Ke Shikaston Ka Shumar
Chandani Raton Ka Bekar Dahakata Hua Dard
Dil Ke Besud Tadap Jism Ke Mayus Pukar

kheton mein kam karati hui ladakiyan

7 July, 2013 | Urdu Poetry Shayari | , , , , ,

kheton mein kam karati hui ladakiyan
jeth ke champai dhup ne
jin ka sona badan
surmai kar diya
jin ko raton mein os aur pale ka bistar mile
din ko suraj saron par jale
ye hare laun mein
sang-e-marmar ke benchon pe baithi hui
un hansi muraton se kaheen khubasurat
kaheen mukhtalif
jin ke jude mein juhi ke kaliyan sajin
jo gulab aur bele ke khushbu liye
aur rangon ke hiddat se pagal phiren
khet mein dhup chunati hui ladakiyan bhi
nai umr ke sabz dahaliz par hain magar
aaaina tak nahi dekhatin
y gulab aur dezi ke hiddat se naashna
khushbuon ke jan lams se bekhabar
phul chunati hain lekin pahanati nahi
in ke malabus mein
tez sarson ke phoolon ke bas
un ke aankhon mein roshan kapas

‘faraz’ ab koi sauda koi junun bhi nahi

27 May, 2013 | Urdu Poetry Shayari | , ,

‘faraz’ ab koi sauda koi junun bhi nahi
magar qarar se din kat rahe hon yun bhi nahi
lab-o-dahan bhi mila guftagu ka fan bhi mila
magar jo dil pe guzarati hai kah sakun bhi nahi

meri zuban ki luknat se badguman na ho
jo tu kahe to tujhe umr bhar milun bhi nahi

‘faraz’ jaise koi diya turbat-e-hava chahe hai
tu pas aaye to mumkin hai main rahun bhi nahi

gham mujhe hasrat mujhe vahashat

27 April, 2013 | Urdu Poetry Shayari | , , ,

gham mujhe hasrat mujhe vahashat mujhe sauda mujhe
ek dil deke khuda ne de diya kya kya mujhe
hai husul-e-arazu ka raz tark-e-arazu
main ne duniya chod di to mil gai duniya mujhe
kah ki soya hun ye apne iztarab-e-shauq se
jab wo aayen qabr par fauran jaga dena mujhe
subah tak kya kya teri umeed ne tane diye
aa gaya tha sham-e-gam ek neend ka jhonka mujhe
ye namaz-e-ishq hai kaisa adab kisaka adab
apne pay-e-namaz par karne do sajda mujhe
dekhte hi dekhte duniya se main uth jaunga
dekhati ki dekhati rah kjayegi duniya mujhe gham
mujhe hasrat mujhe vahashat mujhe sauda mujhe
ek dil deke khuda ne de diya kya kya mujhe
hai husul-e-arazu ka raz tark-e-arazu
main ne duniya chod di to mil gai duniya mujhe
kah ki soya hun ye apne iztarab-e-shauq se
jab wo aayen qabr par fauran jaga dena mujhe
subah tak kya kya teri umeed ne tane diye
aa gaya tha sham-e-gam ek neend ka jhonka mujhe
ye namaz-e-ishq hai kaisa adab kisaka adab
apne pay-e-namaz par karne do sajda mujhe
dekhte hi dekhte duniya se main uth jaunga
dekhati ki dekhati rah kjayegi duniya mujhe

faqirana aaye sada kar chale

17 April, 2013 | Urdu Poetry Shayari | , , ,

faqirana aaye sada kar chale
miyan khush raho hum dua kar chale
jo tujh bin na jine ko kahate the hum
so is ahd ko ab wafa kar chale
koi na-ummidana karte nigah
so tum hum se muh bhi chipa kar chale
bahot aarzoo thi gali ki teri
so yan se lahu mein naha kar chale
dikhai diye yun ki bekhud kiya
hamen aap se bhi juda kar chale
jabin sajada karte hi karte gai
haq-e-bandagi hum ada kar chale
parastish ki yan tain ki ayei but tujhe
nazar mein sabon ki khuda kar chale
gai umr dar band-e-fikr-e-gazal
so is fan ko aisas bada kar chale
kahen kya jo puche koi hum se “meer”
jahan mein tum aaye the, kya kar chale

ek muddat hui ek zamana hua

5 April, 2013 | Urdu Poetry Shayari | , ,

ek muddat hui ek zamana hua
khak-e-gulashan mein jab aashiyana hua
zulf-e-baraham ki jab se shanasai hui
zindagi ka chalan mujremana hua
phul jalate rahe chand hanste raha
aarzoo ka muqammal fasana hua
daag dil ki shahanshah ki sikke bane
dil ka muflis-kada jab khazana hua
rahbar ne palat kar na dekha kabhi
rahr-o-raste ka nishana hua
hum jahan bhi gaye zauq-e-sajda liye
har jagah aap ka aasatana hua
dekh mizarab se khoon tapakane laga
saz ka tar marg-e-tarana hua
pahale hoti thi koi vafa-paravari
ab to “sagar” ye qissa purana hua

11 pages