Poetry With Lyrics

Tag: Umeed SMS

kya sarokar ab kisi se mujhe

5 August, 2013 | Urdu Poetry Shayari | ,

kya sarokar ab kisi se mujhe
vasta tha to tha tujhi se mujhe

behisi ka bhi ab nahi ehsaas
kya hua teri beruKhi se mujhe

maut ki aarzu bhi kar dekhu
kya ummide thi zindagi se mujhe

phir kisi par na aitbaar aaye
yu utaro na apne ji se mujhe

tera Gham bhi na ho to kya jina
kuch tasali hai dard hi se mujhe

kar gaye kis qadar tabah
dushman, andaaz-e-dosti se mujhe

november phir udaas hai

12 April, 2013 | Urdu Poetry Shayari | ,

november phir udaas hai

Ajnabi si raahon mein,
Door tak nigahon mein,
Berukhi ka mausam hai,

Aaj phir nigahon ko,
Beete pal ki pyaas hai,

Phir raha hoon darbadar,
Mojzay ki aas hai,
Aisa lagta hai jaise,

November PHIR UDAAS HAI,

Baat to kare koi,?
Saath to chale koi,?
Khamoshi ka pehra hai,?
Zakhm dil ka gehra hai,?
kisi apne ki mujhe talaash hai,..?
Aisa lagta hai jaise,

November PHIR UDAAS HAi

Chand ko sitaron se aur mujhe tum se Mohabbat hai

18 March, 2013 | Urdu Poetry Shayari | ,

Chand ko sitaron se aur mujhe tum se Mohabbat hai
Phoolon ko baharon se aur mujhe tum se Mohabbat hai

Mehfil main jo milna nighahein jhuka lena
koi samjh na paye ke mujhe tum se Mohabbat hai

Ab tere hijr main bus ek kaam hai Aasman takna
Tum sitaron pe likh dena mujhe tum se Mohabbat hai

Hai hamain ehsas tum ko bhi hum se Pyaar hai lekin
Yeh mere ru ba ru kehna mujhe tum se Mohabbat hai

Kaash Ke Wo Laut Aaye Mujh Se Ye Kehne

9 January, 2013 | Two Lines Poetry Shayari | ,

Kaash Ke Wo Laut Aaye Mujh Se Ye Kehne,
Tum Kon Hote Ho Mujh Se Bicharne Waly.

Tamana phir machal jai

9 January, 2013 | Urdu Poetry Shayari | ,

Tamana phir machal jai,
ager tum milnay ajao,
ye mosam b badal jai
ager tum milnay ajao,
nahi miltay ho tum mujh se tou,
sab hamdard hain meray,
zamana mujh say jal jai,
ager tum milnay ajao,
mujhay gham hai k,
main nay zindagai mei,
kuch nahi paya,
ye gham dil se nikal jai ager,
tum mujh say milnay ajo

ik-ik patthar jod ke main ne jo diivaar banaaii hai

19 December, 2012 | Urdu Poetry Shayari | ,

ik-ik patthar jod ke main ne jo diivaar banaaii hai
jhaankhuu us ke piichhe to rusvaaii hii rusvaaii hai

youn lagataa hai sote jaagate auroon kaa mohataaj huun main
aankhein merii apanii hain par un mein niind paraaii hai

dekh rahe hain sab hairat se niile-niile paanii ko
puuchhe kaun samandar se tujh mein kitanii gaharaii hai

sab kahate hain ik jannat utarii hai merii dharatii par
main dil mein sochuun shaayad kamzor merii biinaaii hai

baahar sahan mein peidoon par kuchh jalate bujhate juganuu the
hairat hai phir ghar ke andar kis ne aag lagaaii hai

aaj huaa maaluum mujhe is shahar ke chand sayaanon se
apanii raah badalate rahanaa sabase baddii daanaaii hai

todd gaye paimaan-e-vafaa is daur mein kaise kaise log
ye mat soch ?Qateel? ki bas ik yaar teraa harajaaii hai

Nikala Ham Ko JANNAT Se Fareb-e-Zindagi De Kar

7 November, 2012 | Two Lines Poetry Shayari | ,

Nikala Ham Ko JANNAT Se Fareb-e-Zindagi De Kar

Diya Phir Shouq-e-Jannat Kyon Ye Hairani Kyon Nahi Jatti

7 pages