Poetry With Lyrics

Tag: Saghir Siddiqui

chupaye dil mein gamon ka jahan baithe hain

30 June, 2013 | Shayari by Poets |

chupaye dil mein gamon ka jahan baithe hain
tumhari bazm mein ham bezaban baithe hain

ye aur bat k manzil pe ham pahunch na sake
magar ye kam hai k rahon ko chan baithe hain

fugan hai dard hai soz-o-firaq-o-dag-e-alam
abhi to ghar mein bahut mehrban baithe hain

ab aur gardish-e-taqdir kya satayegi
luta k ishq mein nam-o-nishan baithe hain

wo ek lafz-e-mohabbat hi dil ka dushman hai
jise shariat-e-ehsas man baithe hain

hai maikadon ki baharon se dosti ‘Sagar’
baraye had-e-yaqin-o-guman baithe hain

sun to sahii jahaan main hai teraa fasaanaa kyaa

8 December, 2012 | Shayari by Poets |

sun to sahii jahaan main hai teraa fasaanaa kyaa
kahti hai tujh se Khalq-e-Khudaa Gaibanaa kya

zina saba kaa Dhundati hai apni musht-e-Khaak
baam-e-baland yaar ka hai astana kya

ati hai kis tarah se meri kabz-e-ruuh ko
dekhun to maut dhund rahe hai bahana kya

betab hai kamal hamara dil-e-aziim
mahmaan saray-e-jism ka hoga ravana kya

rudad-e-muhabbat kya kahye kuch yad rahi kuch bhul gaye

12 September, 2011 | Shayari by Poets |

rudad-e-muhabbat kya kahye kuch yad rahi kuch bhul gaye
do din ki masrrat kya kahye kuch yad rahi kuch bhul gaye

jab jam diya tha saqi ne jab daur chala tha mahfil mein
wo hosh k sath kya kahye kuch yad rahi kuch bhul gaye

ehsas k maikhane mein kahan ab fikr-o-nazar ki qandilen
alam ki shiddat kya kahye kuch yad rahi kuch bhul gaye

ab apni haqiqat bhi “Sagar” berbt kahani lagti hai
dunya ki haqiqat kya kahye kuch yad rahi kuch bhul gaye

chandni ko rusul kahta hun

22 July, 2011 | Shayari by Poets |

chandni ko rusul kahta hun
bat ko bausul kahta hun

jagmagate hue sitaron ko
tere pairon ki dhul kahta hun

jo chaman ki hayat ko das le
us kali ko babul kahta hun

ittefaqan tumhare milne ko
zindagi ka husul kahta hun

ap ki sanwali si surat ko
zauq-e-yazdan ki bhul kahta hun

jab mayassar ho sagar-o-mina
barqparon ko phul kahta hun

bhuli hui sada hun mujhe yad kijiye

24 April, 2011 | Shayari by Poets |

bhuli hui sada hun mujhe yad kijiye
tum se kahin mila hun mujhe yad kijiye

manzil nahin hun khizr nahin rahzan nahin
manzil ka ranta hun mujhe yad kijiye

meri nigah-e-shauq se har gul hai dewta
main ishq ka khuda hun mujhe yad kijiye

nagmon ki ibtida thi kabhi mere nam se
ashkon ki intaha hun mujhe yad kijiye

gum-sum khari hain donon jahan ki haqiqaten
main un se kah raha hun mujhe yad kijiye

“Sagar” kisi ke husn-e-tagaful shar ki
bahki hui ada hun mujhe yad kijiye

Hum ghareeb ki surat pe na ja,

15 March, 2011 | Shayari by Poets, Two Lines Poetry Shayari |

Hum ghareeb ki surat pe na ja,
Hidmat-e-aadmi ke mujrim hain..

tere daman ki hawa mangte hain

26 November, 2010 | Shayari by Poets |

tere daman ki hawa mangte hain
ham bhi jine ki dua mangte hain

mutribo koi achuta nagma
saz ahang-o-sada mangte hain

mah-o-anjum k jharoke aksar
kisi k ariz ki dua mangte hain

phir patangon mein Khudai jagi
shole hashr-numa mangte hain

banda-parwar koi khairat nahin
ham wafaon ka sila mangte hain

maikada ho k kalisa Sagar
sari duniya ka bhala mangte hain

3 pages