Poetry With Lyrics

Tag: Parveen Shakir

Sahaab Tha Ke Sitaara, Guraiz Paa Hee Laga

8 September, 2013 | Urdu Poetry Shayari |

Sahaab Tha Ke Sitaara, Guraiz Paa Hee Laga
Wo Apni Zaat Ke Har Rang Mein Hawa Hee Laga

Mein Aisay Shakhs Ki Masoomiyat Pe Kia Likhuun ?
Jo Mujh Ko Apni Khataaon Mein Bhee Bhalaa Hee Laga

Zabaa.n Se Chup Hai Magar Aankh Baat Karti Hai
Nazar Uthaayi Hai Jub Bhee Tou Bolta Hee Laga

Jo Khwaab Dene Pe Qaadir Tha, Meri Nazron Mein
Azaab Daitay Howay Bhee Mujhe Khudaa Hee Laga

Na Mere Lutf Pe Hairaan Hai Na Apni Uljhan Per
Mujhe Ye Shakhs Tou Har Shakhs Se Judaa Hee Laga

Apni hee sadaa sunuun kahan tak ???

7 September, 2013 | Urdu Poetry Shayari |

Apni hee sadaa sunuun kahan tak ???
Jungul ki hawa rahuun kahan tak ???

Har baar hawa na hogi dar per
Har baar magar uthuun kahan tak ???

Dum ghut’ta hai ghar mein hubs wo hai
Khushbo ke lye apna raffuu karuun kahan tak ???

Saahil pe samandaron se bach kar
Mein naam tera likhoon kahan tak ???

Tanhaayi ka ek ek lamha
Hungaamon se qarz loon kahan tak ???

Gar lams nahee tou lafz hee bhej
Mein tujh se juda rahuun kahan tak ???

Sukh se bhee tou dosti kubhi ho
Dukh se hee galay miluun kahan tak ???

Mansoob ho har kiran ksi se
Apnay hee lye jaluun kahan tak ???

Aanchal mere bhar ke phat rahay hain
Phool us ke lye chunuun kahan tak ???

main kachi nind main hun

3 August, 2013 | Shayari by Poets |

main kachi nind main hun
aur apne nim khwabida tanaffus main utarti
chandani ki chap sunti hun
guman hai
aj bhi shayad
mere mathe pe tere lab
sitare sabat karte hain

Ab aur jeeney ki surat nazar nahin ati,

13 June, 2013 | Urdu Poetry Shayari |

Ab aur jeeney ki surat nazar nahin ati,
Kisi tarah bhi achi khabar nazar nahin ati,

Ussi ke aas main hai dil ka hujraa tareek,
Woh roshni jo kabhi mere ghar mein nahin ati,

Woh meherbaan hai to mehraab-o-baam tak na rahe,
Yeh dhoop kyon pas-ey dar o deewar nahin ati,

Hayaat mein ab koi aesa morr nahin,
Ke jis ke baad teri rahguzar nazar nahin ati,

Qabooliyat ki hai gharri to us ko maang hi loon,
Ke yeh gharri kabhi baar-e-dagar nahin ati,

Saraaye khaana dunyiyaa main shaam hoti hai,
Musaafiron ko naveed-e-safar nazar nahin ati..

isi main khush hun mera dukh koi to sahta hai

30 April, 2013 | Shayari by Poets |

isi main khush hun mera dukh koi to sahta hai
chali chalun ki jahan tak ye sath rahta hai

zamin-e-dil yun hi shadab to nahin ai dost
qarib main koi dariya zarur bahta hai

na jane kaun sa fiqra kahan raqm ho jaye
dilon ka hal bhi ab kaun kis se kahta hai

mere badan ko nami kha gai ashkon ki
bhari bahar main jaise makan dahta hai

Ashk Aankh Mein Phir Atak Raha Hai

18 April, 2013 | Urdu Poetry Shayari |

Ashk Aankh Mein Phir Atak Raha Hai
Kankar Sa Koi Khatak Raha Hai

Mein Os Ke Khayaal Se Gurezaan
Wo Meri Sadaa Jhatak Raha Hai

Tehreer Osi Ki Hai, Magar Dil
Khat Parhtay Howay Atak Raha Hai

Hain Phone Pe Kis Ke Saath Baatain
Aur Zehen Kahan Bhatak Raha Hai

Sadyon Se Safar Mein Hai Samandar
Saahil Pe Thakan Tapak Raha Hai

Ek Chaand Salaib-e-Shaakh-e-Gul Per
Baali Ki Tarah Latak Raha Hai

barish hui to phulon k tan chak ho gaye

8 April, 2013 | Shayari by Poets |

barish hui to phulon k tan chak ho gaye
mausam k hath bhig k saffak ho gaye

badal ko kya khabar k barish ki chah main
kitne buland-o-bala shajar khak ho gaye

jugnu ko din k waqt pakarne ki zid karen
bache hamare ahad k chalak ho gaye

lahra rahi hai barf k chadar hata k ghas
suraj ki shah pe tinak bhi bebak ho gaye

suraj dimag log bhi iblag-e-fikr main
zulf-e-shab-e-firaq k pechak ho gaye

jab bhi garib-e-shahar se kuch guftagu hui
lahaje hawa-e-sham k namnak ho gaye

sahil pe jitne abguzida the sab k sab
dariya k rukh badalte hi tairak ho gaye

19 pages