Poetry With Lyrics

Tag: Noshi Gilani

Safar Malaal Ka Hai Aur Chal Rahi Huun Mei

27 August, 2013 | Shayari by Poets, Urdu Poetry Shayari |

Safar Malaal Ka Hai Aur Chal Rahi Huun Mei
Ghubaar-e-Shab Ki Udasi Mei Dhal Rahi Huun Mei

Ajeeb Barf Ki Barish Badan Pe Utri Hei
Ke Jis Ki Aag Mei Chup Chaap Jal Rahi Huun Mei

Phir Ik Charaagh Jala Shaam Ki Haveli Mein
Phir Ik Dard Se Aakhir Sambhal Rahi Huun Mei

Ye Rakh Rakhaao Usay Jaanay Naheen De Ga
Ke Apne Aap Mei Kaisay Pighal Rahi Huun Mei

Ye Ishq Sach Se Juda Kaisay Ho Gaya Jaana?
Ab Is Sawaal Se Bahar Nikal Rahi Huun Mei

Bas Ik Ishq Meri Zaat Per Saheefa Ho
Mere Khuda! Ye Aqeeda Badal Rahi Huun Mei..!!

Zamaney walon se chup ke roney ke din nahin hain,

16 June, 2013 | Shayari by Poets, Urdu Poetry Shayari |

Zamaney walon se chup ke roney ke din nahin hain,
Usey kehna yeh udaas honey ke din nahin hain,

Main jaan sakti hoon vasl mein asal bhaid kya hai,
Magar haqeeqat shanaas honey ke din nahin hain,

Hamara khud se makaalma* bhi neya neya hai,
Kisi badamn ka libaas honey ke din nahin hain,

Abhi to aankhon mein aanusyon ki nami hai baqi,
Zameen-e-dil par pyaas boney ke din nahin hain..

Shab-e-wehshat ki aadat ho gayi hai,

17 March, 2013 | Shayari by Poets, Urdu Poetry Shayari |

Shab-e-wehshat ki aadat ho gayi hai,
Mujhe tum se mohabbat ho gayi hai,

Kisi ka lamss hai jis ke hunnar se,
Mukammal sab ibaadat ho gayi hai,

Koi din ke liye deewangi bhi,
Mere dil ko ghaneemat ho gayi hai,

Bohat behaal rehte they magar ab,
Humain hijrat ki aadat ho gayi hai,

Gulaab asaar rastey muntazir hai,
Ke mausam ki inaayat ho gayi hai,

Zameen se aasman tak roshni hai,
Meherbaan hum pe fitrat* ho gayi hai..

Kahbi yeh chup main kabhi meri baat baat main tha,

25 January, 2013 | Four Lines Poetry Shayari, Shayari by Poets |

Kahbi yeh chup main kabhi meri baat baat main tha,
Tumhara akss meri saari kayenaat mein tha,

Hum ehl-e-ishq bohat bd’gumaan hote hain,
Isi tarah ka koi vasf* teri zaat mein tha..

Mout Se Mukar Jaayein

15 January, 2013 | Shayari by Poets, Urdu Poetry Shayari |

Mout Se Mukar Jaayein
Zindagi Se Dar Jaayein

Hijr Ke Samandar Ko
Aao Paar Kar Jaayein

Raastay Ye Kehtay Hain
Ab Tou Apnay Ghar Jaayein

Ik Zara Si Mohlat Ho
Dil Ki Baat Kar Jaayein

Sheher-e-Ishq Mein Aakhir
Kaisay Mautbar Ho Jaayein ?

Wo Palat Ke Dekhay Tou
Rung Se Bikhar Jaayein

Bohat Aaraam Karna Chahti Hun

9 August, 2012 | Shayari by Poets, Urdu Poetry Shayari |

Bohat Aaraam Karna Chahti Hun
Yehi Ek Kaam Karna Chahti Hun

Shaoor-e-Aagahi Ek Almiaa Hai
Ise Neelaam Karna Chahti Hun

Mein Apni Umer Ke Saaray Asaasay
Tumhaaray Naam Karna Chahti Hun

Tumharay Khaima-e-Khushbuu Mein Reh Kar
Mein Subaah-o-Shaam Karna Chahti Hun

Charaaghon Se Hawaa Ki Dushmani Hai
Ise Naakaam Karna Chahti Hun

Ye Umar Bhar Ka Safar aur Ye Raaigaani Teri

19 April, 2012 | Shayari by Poets, Urdu Poetry Shayari |

Ye Umar Bhar Ka Safar aur Ye Raaigaani Teri
Kahan Gayi Ay Mere Dil Wo Khush Gumaani Teri ?

Yahan Pe Kon Andheron Mein Saath Chalta Hai ?
TU Ab Bhee Saath Mere Hai Ye Meherbaani Teri

Tujhe Khabar Nahee Hum Dekh Kar Bohat Roye
Nayi Kitaab Mein Tasweer Ik Puraani Teri

Abhe Se aablay Parnay Lagay Hain Paon Mein
Abhe Tou Door Hai Manzil Safar Kahaani Teri

Bhulaaye Baithay Hain aur Apnay Haal Mein Khush Hain
TU aake Dekh Ke Kubhi Hum Ne Baat Maani Teri

5 pages