Poetry With Lyrics

Tag: Nasir Kazmi

kisi kali ne bhi dekha na ankh bhar k mujhe

5 September, 2013 | Shayari by Poets |

kisi kali ne bhi dekha na ankh bhar k mujhe
guzar gai jars-e-gul udas kar k mujhe

main so raha tha kisi yad k shabistan main
jaga k chor gaye qafile shahar k mujhe

main ro raha tha muqaddar ki sakht rahon main
ura k le gaya jadu teri nazar ka mujhe

main teri dard ki tugyaniyon main dub gaya
pukarte rahe tare ubhar ubhar k mujhe

tere firaq ki raten kabhi na bhulengi
maze mile inhin raton main umr bhar k mujhe

zara si der thaharne de ai gam-e-duniya
bula raha hai koi bam se utar k mujhe

phir aj ai thi ik mauj-e-hawa-e-tarab
suna gai hai fasane idhar-udhar k mujhe

aj to be-sabab udas hai ji

7 March, 2013 | Shayari by Poets |

aj to be-sabab udas hai ji
ishq hota to koi bat bhi thi

jalta phirta hun kyun do-pahron main
jane kya chiz kho gai meri

wahin phirta hun main bhi khak ba-sar
is bhare shahar main hai ek gali

chupta phirta hai ishq duniya se
phailti ja rahi hai ruswai

hamnashin kya kahun k wo kya hai
chor ye bat nind urane lagi

aj to wo bhi kuch khamosh sa tha
main ne bhi us se koi bat na ki

ek dam us k hath chum liye
ye mujhe baithe baithe kya sujhi

tu jo itna udas hai ‘Nasir’
tujhe kya ho gaya bata to sahi

niyat-e-shauq bhar na jaye kahin

15 February, 2013 | Shayari by Poets |

niyat-e-shauq bhar na jaye kahin
tu bhi dil se utar na jaye kahin

aj dekha hai tujhe der k bad
aj ka din guzar na jaye kahin

na mila kar udas logon se
husn tera bikhar na jaye kahin

arzu hai k tu yahan aye
aur phir umr bhar na jaye kahin

ji jalata hun aur ye sochta hun
rayegan ye hunar na jaye kahin

ao kuch der ro hi len ‘Nasir’
phir ye dariya utar na jaye kahin

dukh ki lahar ne chera hoga

25 January, 2013 | Shayari by Poets |

dukh ki lahar ne chera hoga
yad ne kankar phenka hoga

aj to mera dil kahta hai
tu is waqt akela hoga

mere chume hue hathon se
auron ko khat likhta hoga

bhig chalin ab rat ki palkain
tu ab thak kar soya hoga

rel ki gahri siti sun kar
rat ka jangal gunja hoga

shahar k khali steshan par
koi musafir utra hoga

angan main phir chiriyan bolen
tu ab so kar utha hoga

yadon ki jalti shabnam se
phul sa mukhra dhoya hoga

moti jaisi shaql banakar
aine ko takta hoga

sham hui ab tu bhi shayad
apne ghar ko lauta hoga

nili dhundhli khamoshi main
taron ki dhun sunta hoga

mera sathi sham ka tara
tujh se ankh milata hoga

sham k chalte hath ne tujh ko
mera salam to bheja hoga

pyasi kurlati kunjun ne
mera dukh to sunaya hoga

main to aj bahut roya hun
tu bhi shayad roya hoga

‘Nasir’ tera mit purana
tujh ko yad to ata hoga

tere khayal se lau de uthi hai tanhai

15 November, 2012 | Shayari by Poets |

tere khayal se lau de uthi hai tanhai
shab-e-firaq hai ya teri jalwarai

tu kis khayal main hai ai manzilon k shadai
unhen bhi dekh jinhen raste main nind ai

pukar ai jaras-e-karawan-e-subah-e-tarab
bhatak rahe hain andheron main tere saudai

rah-e-hayat main kuch marhale to dekh liye
ye aur bat teri arazu na ras ai

ye saniha bhi muhabat main barha guzra
k us ne hal bhi pucha to ankh bhar ai

phir us ki yad main dil beqarar hai ‘Nasir’
bichar k jis se hui shahar shahar ruswai

girifta-dil hain bahut aj tere diwane

10 November, 2012 | Shayari by Poets |

girifta-dil hain bahut aj tere diwane
Khuda kare koi tere siwa na pahchane

miti miti si ummiden thak thak se khayal
bujhe bujhe se nigahon main gam k afsane

hazar shukr k ham ne zuban se kuch na kaha
ye aur bat k pucha na ahal-e-duniya ne

baqadr-e-tashnalabi pursish-e-wafa na hui
chalak k rah gaye teri nazar k paimane

khayal a gaya mayus rahguzaron ka
palat k a gaye manzil se tere diwane

kahan hai tu k tere intazar main ai dost
tamam rat sulagate rahe dil k wirane

ummid-e-pursish-e-gam kis se kijiye ‘Nasir’
jo mere dil pe guzarti hai koi kya jane

aj to be-sabab udas hai ji

25 September, 2012 | Shayari by Poets |

aj to be-sabab udas hai ji
ishq hota to koi bat bhi thi

jalta phirta hun kyun do-pahron main
jane kya chiz kho gai meri

wahin phirta hun main bhi khak ba-sar
is bhare shahar main hai ek gali

chupta phirta hai ishq duniya se
phailti ja rahi hai ruswai

hamnashin kya kahun k wo kya hai
chor ye bat nind urane lagi

aj to wo bhi kuch khamosh sa tha
main ne bhi us se koi bat na ki

ek dam us k hath chum liye
ye mujhe baithe baithe kya sujhi

tu jo itna udas hai ‘Nasir’
tujhe kya ho gaya bata to sahi

8 pages