Poetry With Lyrics

Tag: Munir Niazi

gam ka wo zor ab mere andar nahin raha

29 April, 2013 | Shayari by Poets |

gam ka wo zor ab mere andar nahin raha
is umr main main itna samarwar nahin raha

is ghar main jo kashish thi gai un dinon k sath
is ghar ka saya ab mere sar par nahin raha

wo husn-e-naubahar abad shauq jism sun
rahna tha us ko sath mere par nahin raha

mujh main hi kuch kami thi ki behtar main un se tha
main shahar main kisi k barabar nahin raha

rahbar ko un k hal ki ho kis tarah khabar
logon k darmiyan wo akar nahin raha

wapas na ja wahan ki tere shahar main ‘Munir’
jo jis jagah pe tha wo wahan par nahin raha

ah! ye barani rat

17 January, 2013 | Shayari by Poets |

ah! ye barani rat
minh, hawa, tufan, raqs-e-sayeqat
shash-jahat par tirgi umari hui
ek sanate main bazm-e-hadsat
aur meri khirki k niche
kanpate peron k pat
char su awara hain
bhule bisre waqayat
jhakkaron k shor main
jane kitni dur se
sun raha hun teri bat

chaman main rang-e-bahar utra to main ne dekha

14 December, 2012 | Shayari by Poets |

chaman main rang-e-bahar utra to main ne dekha
nazar se dil ka gubar utra to main ne dekha

main nim shab azma k hasrat ko dekhta tha
chaman main wo husn zar utra to main ne dekha

khumar mai thi wo chehra kuch aur lag raha tha
dam-e-sahar jab khumar utra to main ne dekha

gali k bahar tamam manzil badal gaye the
jo saya ek ku-e-yar utra to main ne dekha

ik aur dariya ka samna tha ‘Munir’ mujh ko
main ek dariya k par utra to main ne dekha

hamesha der kar deta hun main

20 April, 2012 | Shayari by Poets, Urdu Poetry Shayari |

hamesha der kar deta hun main

zaruri bat kahni ho
koi wada nibhana ho
use awaz deni ho
use wapas bulana ho
hamesha der kar deta hun main

madad karni ho uski
yar ki dharas bandhana ho
bahut derina raston par
kisi se milne jana ho
hamesha der kar deta hun main

badalte mausamon ki sair main
dil ko lagana ho
kisi ko yad rakhna ho
kisi ko bhul jana ho
hamesha der kar deta hun main

kisi ko maut se pahle
kisi gam se bachna ho
haqiqat aur thi kuch
us ko ja k ye batana ho

hamesha der kar deta hun main

kabhi kisi bam k kinare

1 February, 2012 | Shayari by Poets |

kabhi kisi bam k kinare
ugre huye per k sahare
mujhe mili hain wo mast ankhen
jo dil k patal main utar kar
gaye dinon ki gufa main jhonk

kabhi kisi ajnabi nagar main
kisi akele udas ghar main
parirukhon ki hasin sabhayen
koi bahar-e-gurez payen

kabhi sar-e-rah sar-e-ku
kabhi pas-e-dar kabhi lab-e-ju
mujhe mili hain wahi nigahen
jo ek lamhe ki dosti main
hazar baton ko kahna chahen

phul the badal bhi tha aur wo hasin surat bhi thi

22 August, 2011 | Shayari by Poets |

phul the badal bhi tha aur wo hasin surat bhi thi
dil main lekin aur hi ek shaql ki hasrat bhi thi

jo hawa main ghar banaye kash koi dekhta
dasht main rahte the par tamir ki adat bhi thi

kah gaya main samne us k jo dil ka mudda
kuch to mausam bhi ajab tha kuch meri himmat bhi thi

ajnabi shahron main rahte umr sari kat gai
go zara se fasle par ghar ki har rahat bhi thi

kya qayamat hai “Munir” ab yad bhi ate nahin
wo purane ashna jin se hamain ulfat bhi thi

Mehfil ar’aa they magar phir kam’numaa ho geya they,

20 August, 2011 | Shayari by Poets, Two Lines Poetry Shayari |

Mehfil ar’aa they magar phir kam’numaa ho geya they,
Dekhtey hi dekhtey hum kya se kya ho gaye they..

4 pages