Poetry With Lyrics

Tag: Mohsin Naqvi

Jaane Ab Kis Dais Milain Ge Unchi Zaaton Waalay Loog?

15 August, 2013 | Shayari by Poets, Urdu Poetry Shayari |

Jaane Ab Kis Dais Milain Ge Unchi Zaaton Waalay Loog?
Naik Nigahon, Sache Jazbon Ki Saugaaton Waalay Loog

Pyaas Ke Sehraaon Mein Dhoop Pehen Kar Paltay Banjaaro…!
Palkon Oat Talaash Karo, Bojhal Barsaaton Waalay Loog

Waqt Ki Urrti Dhool Mein Apne Naqsh Ganwae Phirte Hain,
Rim Jhim Subhon, Roshan Shaamon,Resham Raaton Waalay Loog

Aik Bhikaarun Dhoond Rahi Thi Raat Ko Jhoote Chehron Mein,
Ujle Lafzon, Sachi Baaton Ki Khairaaton Waalay Loog

Aane Waali Rog Ruton Ka Pursa Dain Har Larki Ko…!
Shehnaai Ka Dard Samajh Lein Gar Baaraton Waalay Loog

Pathar Kootne Waalon Ko Bhi Sheeshe Jaisi Saans Milay !!
“Mohsin” Roz Duaaen Maangain Zakhmi Haathon Waalay Loog

Waqt ki karri dhoop mein dhaal ban jati hai,

4 August, 2013 | Urdu Poetry Shayari |

Waqt ki karri dhoop mein dhaal ban jati hai,
Mere aansu jo bahe’n to rumaal ban jati hai,

Jis roz maan ki duayain na samait kar mein nikloon,
Us roz yeh zindagi bhi wabaal ban jati hai,

Jo log azmat maan ki pehchaan ke chalte hain,
Taareekh mein bhi un ki misaal ban jati hai,

Maan ho agar saleeqa’mand aur ba’shaoor, Waqas,
Us ke saaye mein shakhsiyat bakamaal ban jati hai..

Aahat Si Howi Thi, Naa Koi Barg Hilaa Tha

12 July, 2013 | Shayari by Poets, Urdu Poetry Shayari |

Aahat Si Howi Thi, Naa Koi Barg Hilaa Tha
Main Khud Hi Sar-e-Manzil-e-Shab Cheekh Para Tha,

Lamhon Ki Faseelein Bhi Mere Gird Khari Thien
Main Phir Bhi Tujhe Shaher Mein Awaara Laga Tha,

Tune Jo Pukaara Hai Tou Bol Uthaa Hoon, Warna
Main Fikar Ki Dehleez Pe Chup Chaap Khara Tha,

Phaili Thi Bhare Shaher Mein Tanhai Ki Baaten
Shayad Koi Deewar Kay Peeche Bhi Khara Tha,

Ab Is Kay Siwaa Yaad Nahi Jashn-e-Mulaqaat
Ek Maatmi Jugnu Meri Palkon Pe Sajaa Tha,

Ya Barish-e-Sang Ab Kay Musalsal Na Howi Thi
Ya Phir Main Tere Shaher Ki Raah Bhool Gaya Tha,

Ek Jalwa-e-Mehboob Se Roshan Tha Mera Zehn
Wajdaan Yeh Kehta Hai Wohi Mera Khuda Tha,

Weraan Na Ho Is Darja Koi Mosam-e-Gul Bhi
Kehte Hain Kisi Shakh Pe Ek Phool Khila Tha,

Ek Tu Kay Gurezaan Hi Raha Mujh Se Beher Tor
Ek Main Kay Tere Naqsh-e-Qadam Choom Raha Tha,

Dekha Na Kisi Ne Bhi Meri Simt Palat Kar
“Mohsin” Main Bikharte Howe Sheeshon Ki Sadaa Tha

Dasht-e-Wafa Mein Pyaas Ka Aalam Ajeeb Tha

19 May, 2013 | Shayari by Poets, Urdu Poetry Shayari |

Dasht-e-Wafa Mein Pyaas Ka Aalam Ajeeb Tha
Dekha To Aik Dard Ka Dariya Qareeb Tha

Guzrey Jidhar Jidhar Se Tamanna K Qaafley
Her Her Qadam Pe Aik Nishaan-e-Saleeb Tha

Kuch Aysi Meherbaan Tou Na Thi Ham Pe Zindagi
Kyun Her Koi Jahaan Mein Hamara Raqeeb Tha

Apna Pata To Us Ne Diya Tha Mujhy “MOHSIN”
Main Khud Hi Kho Gaya Tou Ye Mera Naseeb Tha

Tujhay Udaas Bhi Karna Tha Khud Bhi Rona Tha..!!

14 April, 2013 | Shayari by Poets, Urdu Poetry Shayari |

Tujhay Udaas Bhi Karna Tha Khud Bhi Rona Tha..!!
Ye Haadsa Bhi Meri Jaan Kabhi Tou Hona Tha..!!

Namuu Ka Runj Na Abar Guraiz-pa Say Malaal..!!
Ke Mujhko Baanjh Zameenon Mein Beej Bona Tha ..!!

Ye Kia K Gard-e-Raah-e-Raf’tagaan Ko Oar Liya..!!
Kafan Ka Daagh Badan Kay Lahoo Say Dhona Tha..!!

Jo Dastaan Usey Kehna Thi Phir Na Guftaa Rahi ..!!
Ke Main Bhi Thak Sa Gaya Tha,, Usey Bhi Sona Tha..!!

Mein Takht-e-Abar Par Soya Tha Raat Bhar Mohsin..!!
Khuli Jo Aankh Tou Sehra Mera Bichhona Tha..!!!

Phira Hun Saaray Zamanay Mein Darbadar Kaisay

2 April, 2013 | Shayari by Poets, Urdu Poetry Shayari |

Phira Hun Saaray Zamanay Mein Darbadar Kaisay
Mein Tere Baad Bhi Zinda Raha Magar Kaisay ?

Wo Jaanta Hai Ke Kuch Roz Wo Nahi Tha Tou Mein
Pukaarta Raha Os Ko Idhar Udhar Kaisay

Mein Jis Ke Hijr Mein Roya Hun Paaglon Ki Tarah
Wo Kal Mila Tou Hansa Mere Haal Per Kaisay

Azeez-Tar Thi Jisay Neend Shaam-e-Vasl Mein Bhi
Wo Tere Hijr Mein Jaaga Hai Umer Bhar Kaisay

Kahan Ki Dosti , Kaisa Firaaq , Kon “Mohsin” ?
Mein Khud Ko Bhool Gaya Tujh Ko Bhool Kar Kaisay

Jins-e-duniya se guzar jatay hain

9 February, 2013 | Shayari by Poets |

Aisa karte hain kay mar jatay hain

Kaise hotey hain bicharney walay
Hum yeh sochein bhi tu darr jatay hain

Dil jo tootey tu sar-e-mehfil bhi
baal bewaja bikhar jatay hain

Ab na dekho meri banjar ankhein
Chartey durrya tu utar jatay hain

Ab na mour mour kay pukaro unko
Log rastey main tehar jatay hain

Haali damaan se shikayat kaisi?
Ashk ankhon mein tu bhar jatay hain

Tum kahan jaoge socho Mohsin?
Log thak-haar kay ghar jatay hain

9 pages