Poetry With Lyrics

Tag: Mohsin Naqvi Poetry

Aaj Gum Sum Hai Jo Barbaad Jazeeron Jaisi,

29 August, 2013 | Urdu Poetry Shayari |

Aaj Gum Sum Hai Jo Barbaad Jazeeron Jaisi,
Us Ki Aankhon Mein Chamak Thi Kabhi Heeron Jaisi

Kitne Maghroor Pahaaron Ke Badan Chaak Huey,
Taiz Kirnon Ki Jo Baarish Hui Teeron Jaisi

Jis Ki Yaadon Se Khayaalon Ke Khazaanay Dekhay,
Uski Soorat Bhi Lagi Aaj Faqeeron Jaisi

Chahatain Lub Pe Machalti Hui Larki Ki Tarah,
Hasratain Aankh Mein Zindaan Ke Aseeron Jaisi

Hum Anaa Mast, Tahi Dast Bohat Hain MOHSIN,
Ye Alag Baat Ke Aadat Hai Ameeron Jaisi……..!

main dil pe jabar karun ga, tujhe bhula dun ga,

29 July, 2013 | Urdu Poetry Shayari |

main dil pe jabar karun ga, tujhe bhula dun ga,
marrun ga khud bhi tujhe bhi karri saza dunga…

yeh tergi mere ghar ka hi kyun muqaddar ho,
main tere shehr ke saare diye bhuja dun ga…

hawa ka hath bataon ga har tabahi main,
haray shajar se parinday main khud urra dun ga…

waffa karun ga kisi sogwaar chehre se,
purani qabar pe katbah naya saja dun ga…

issi khayal mein guzri hai shaam-e-gham aksar,
ke dard hadh se barrhe ga to muskura dun ga…

barrha rahi hain mere dukh, nishaniyan teri,
main tere khat, teri tasveer tak jala dun ga…

bohat dino se mera dil udaas hai ‘Mohsin’
iss aaiine ko koi aks ab naya dunga…

Aankhain khuli rahain gi toh manzar bih ayengai

17 July, 2013 | Urdu Poetry Shayari |

Aankhain khuli rahain gi toh manzar bih ayengai
Zinda hai dil toh aur sitamgarr bhi ayengai

Pehchaan lo tamaam faqeeron kay khadd-o-khaal
Kuch log shab ko bhais badal kar bhi ayengai

Gehri khamosh jheel kay paani ko yun na chaidh
Cheenthay uday toh teri qaba par bhi ayengai

Khud ko chhupa na sheesha garon ki dukhaan mai
Sheeshay chamak rahey hain toh pathar bhi ayengai

Aye shehr yaar dasht say fursat nahi ? magar!!
Niklay safar pay hum toh teray ghar bhi ayengai

*Mohsin* abhi saba ki sakhawat pay khush na ho
Jhonkay yehi basoorat-e-sarr sarr bhi ayengai?

Zahid sharab peene de masjid mein beth kar,

15 June, 2013 | Urdu Poetry Shayari |

Zahid sharab peene de masjid mein beth kar,
Yaa woh jagha bata jahan Khuda nahin..
(Mirza Ghalib)

Masjid khuda ka ghar hai, peeney ki jagha nahin,
Kaafir ke dil mein ja, Wahan khudaa nahin..
(Allama Iqbal)

Kaafir ke dil se aya hon mein yeh dekh kar,
Khuda maujood hai wahan, Par usey pata nahin..
(Ahmad Faraz)

uss ko ghilaaf-e-rooh mein rakha, sambhal ker

5 June, 2013 | Shayari by Poets |

uss ko ghilaaf-e-rooh mein rakha, sambhal ker
MOHSIN wo zakhm bhi to kisi aashna ka tha…

Usay kehna bicharne se muhabat to nahi marti..

14 May, 2013 | Urdu Poetry Shayari |

Usay kehna bicharne se muhabat to nahi marti..
Bichar jana muhabat ki sadaqt ki alamat hai ..

Muhabat aik fitrat hai , Han fitrat kab badaltai hai ..
So, jab hum door ho jaein, Naye rishton mein kho jaein..

Tu yeh mat soch lena tum, Keh muhabat mar gai ho gi..
Nahi aise nahi hoga ..

Mere bare mein gar tumhari ankhein bhar ayein..
Chalak kar aik bhi ansu palak pe jo utar aye..

To bas itna samaj lena ,
Jo mere nam se itni tere DIL ko aqeedat hai..

Tere dil mein bichar kar bhi abhi meri muhabat hai ..
Muhabat tu bichar kar bhi sada abad rehti hai ..

Muhabat ho kisi se tu hamesha yaad rehti hai ..
Muhabat waqt ke Be-Reham tufaan se nahi darti..

Usay kehna bicharne se Muhabat to nahi marti?.!!!

Itni muddat baad mile ho!

24 January, 2013 | Urdu Hindi SMS |

Itni muddat baad mile ho!
Kin sochon main gum rehte ho?

Itne khayef kyon rehte ho?
Her aahat se darr jaate ho

Taiz hawa ne mujh se poocha
Rait pe kya likhte rehte ho?

Kaash koi humse bhi pooche
Raat gaye tuk kyon jaage ho?

Main darya se bhi darta hoon
Tum darya se bhi gehre ho!

Koun si baat hai tum main aisi
Itne ache kyon lagte ho?

Peeche mur ker kyon dekha tha
Patthar ban ker kya takte ho?

Jaao jeet ka jashan manaao!
Main jhoota hoon, tum suche ho

Apne sheher ke sub logon se
Meri khatir kyon uljhe ho?

kehne ko rehte ho dil main!
Phir bhi kitne door khare ho

Raat humain kuch yaad nahin tha
Raat bohot hi yaad aaye ho

Humse na poocho hijr ke qisse
Apni kaho ab tum kaise ho?

Mohsin tum badnaam bohot ho
Jaise ho, phir bhi ache ho

10 pages