Poetry With Lyrics

Tag: Mohabbat Shayari

Kuch baat hai os ki fitrat main

29 October, 2013 | Two Lines Poetry Shayari |

Kuch baat hai os ki fitrat main
Warna ose chehne ki khata hum bar bar na karte

fal-safe ishq mein pesh aaye savalon ki tarah

26 August, 2013 | Urdu Poetry Shayari | , ,

fal-safe ishq mein pesh aaye savalon ki tarah
hum pareshan hi rahe apne khayalon ki tarah
shishagar baithe rahe zikr-e-masiha lekar
aur hum toot gaye kanch ki pyalon ki tarah
jab bhi anjam-e-muhabbat ne pukara khud ko
waqt ne pesh kiya hum ko misalon ki tarah
zikr jab hoga muhabbat mein tabahi ka kaheen
yaad hum aayenge duniya ko havalon ki tarah

Mohabbat Karne Waley To Hamesha Saath Rehte Hain

8 July, 2013 | Two Lines Poetry Shayari | ,

Mohabbat Karne Waley To Hamesha Saath Rehte Hain
Mohabbat Main Judai Ka Koi Mausam Nahi Hota

Rooz aa jata hai dar-e-dil pe dastak daine

7 June, 2013 | Two Lines Poetry Shayari | ,

Rooz aa jata hai dar-e-dil pe dastak daine,
Ik shakhs jis ko me ne kabhi bhulaya hi nahi

faqirana aaye sada kar chale

17 April, 2013 | Urdu Poetry Shayari | , , ,

faqirana aaye sada kar chale
miyan khush raho hum dua kar chale
jo tujh bin na jine ko kahate the hum
so is ahd ko ab wafa kar chale
koi na-ummidana karte nigah
so tum hum se muh bhi chipa kar chale
bahot aarzoo thi gali ki teri
so yan se lahu mein naha kar chale
dikhai diye yun ki bekhud kiya
hamen aap se bhi juda kar chale
jabin sajada karte hi karte gai
haq-e-bandagi hum ada kar chale
parastish ki yan tain ki ayei but tujhe
nazar mein sabon ki khuda kar chale
gai umr dar band-e-fikr-e-gazal
so is fan ko aisas bada kar chale
kahen kya jo puche koi hum se “meer”
jahan mein tum aaye the, kya kar chale

Hamein Tum Bhool Jao Ge Hamein Maloom Hai Lekin

14 April, 2013 | Two Lines Poetry Shayari | , ,

Hamein Tum Bhool Jao Ge Hamein Maloom Hai Lekin,
Palat Kar Jab Bhi Aao Ge Mohabbat Muntazir Hogi

Haami bhi na thay munkir-e- Ghalib bhi nahi thay

17 March, 2013 | Urdu Poetry Shayari | ,

Haami bhi na thay munkir-e- Ghalib bhi nahi thay
hum ehl-e-tazabzub kisi janib bhi nahi thay!!

iss bar bhi Duniya ney Hadaf Hum ko bnaya!
iss bar to hum Shah k msahib bhi nahi thay

Baich aye sir-e-Qariya-e-zar jo Bahr-e-pindaar
Jo Daam miley aisey munasib bhi nahi thay !!!!

mati ki muhabat mein hum aashufta siron ney
wo qurz utarey hein k wajib bhi nahi thay!!

lo deti hoi raat, sukhan kerta hoa din !!!!!
sab uss k liey, jis se mukhatib bhi nahi thay

9 pages