Poetry With Lyrics

Tag: Meer Taqi Meer

hoti hai agarche kahne se yaron parai bat

25 July, 2013 | Shayari by Poets |

hoti hai agarche kahne se yaron parai bat
par ham se to thami na kabhu munh pe ai bat

kahte the us se milte to kya-kya na kahte lekin
wo a gaya to samne us k na ai bat

bul-bul k bolne main sab andaz hain mere
poshida kya rahi hai kisu ki urai bat

ik din kaha tha ye k khamoshi main hai waqar
so mujh se hi sukhan nahin main jo batai bat

ab mujh zaif-o-zar ko mat kuch kaha karo
jati nahin hai mujh se kisu ki uthai bat

yar bin talkh zindgani thi

21 July, 2013 | Shayari by Poets |

yar bin talkh zindgani thi
dosti muddai-e-jani thi

sheb mein fayda tammul ka
sochna tab tha hab jawani thi

mere qisse se sab ki ninden gain
kuch ajab taur ki kahani thi

ku-e-qatil se bach k nikla khizr
isi mein us ki zindagani thi

fitr par bhi tha ‘Mir’ k ik rang
kafani pahni to zafarani thi

barang-e-bu-e-gul, is bagh k ham ashna hote

5 July, 2013 | Shayari by Poets |

barang-e-bu-e-gul, is bagh k ham ashna hote
k ham-rah-e-saba tuk sair karte, aur hawa hote

sarapa arzu hone ne banda kar diya hamko
wagarna ham khuda the, gar dil-e-bemudda hote

falak, ai kash! hamko khak hi rakhta, ki us mein ham
gubar-e-rah hote ya kisi ki khak-e-pa hote

ilahi kaise hote hain jinhen hai bandagi khwahish
hamein to sharm daman-gar hoti hai, khuda hote

kahen jo kuch malamatgar, baja hai ‘Mir’ kya jane
unhen malum tab hota, ki waise se juda hote

ankhon mein ji mera hai idhar yar dekhna

24 May, 2013 | Shayari by Poets |

ankhon mein ji mera hai idhar yar dekhna
ashiq ka apane akhri didar dekhna

kaisa chaman ke ham se asiron ko mana hai
chak-e-qafas se bag ki diwar dekhna

ankhen churaio na tuk abr-e-bahar se
meri taraf bhi didah-e-khunbar dekhna

ae ham-safar na able ko pahunche chashm-e-tar
laga hai mere paon mein a kar dekhna

hona na char chashm dik uss zulm-paishah se
hoshiyar zinhar khabardar dekhna

sayad dil hai dag-e-judai se rashk-e-bag
tujh ko bhi ho nasib ye gulzar dekhna

gar zamzama yahi hai koi din to hamsafar
is fasl hi mein ham ko giraftar dekhna

bul-bul hamare gul pe na gustakh kar nazar
ho jayega gale ka kahin har dekhna

shayad hamari khak se kuch ho bhi ae nasim
girbal kar ke kucha-e-dildar dekhna

us khush-nigah ke ishq se parhez kijio ‘Mir’
jata hai leke ji hi ye azar dekhna

shikwa karun main kab tak us apne meharban ka

7 November, 2012 | Shayari by Poets |

shikwa karun main kab tak us apne meharban ka
al-qissa rafta rafta dushman hua hai jan ka

di ag rang-e-gul ne wan ai saba chaman ko
yan ham jale qafas mein sun hal ashiyan ka

har subah mere sar par ik hadisa naya hai
paiwand ho zamin ka, shewa is asaman ka

kam-fursati jahan k majma ki kuch na pucho
ahwal kya kahun main, is majlis-e-rawan ka

ya roye, ya rulaye, apni to yun hi guzari
kya zikr ham safiran yaran-e-shadman ka

qaid-e-qafas mein hain to khidmat hai naligi ki
gulashan mein the to ham ko mansab tha rauzakhwan ka

pucho to ‘Mir’ se kya koi nazar para hai
chehra utar raha hai kuch aj us jawan ka

manind-e-shama majalis-e-shab ashkbar paya

18 October, 2012 | Shayari by Poets |

manind-e-shama majalis-e-shab ashkbar paya
al qissa ‘Mir ko hamne beikhtiyar paya

shahr-e-dil ek muddat ujra basa gamon main
akhir ujar dena uska qarar paya

itna na dil se milte na dil ko kho k rahte
jaisa kiya tha hamne waisa hi yar paya

kya aitabar yan ka phir us ko khwar dekha
jisne jahan main akar kuch aitabar paya

ahon k shole jis jan uthe hain ‘Mir’ se shab
wan ja k subah dekha musht-e-gubar paya

pata-pata buta-buta hal hamara jane hai

10 October, 2012 | Shayari by Poets |

pata-pata buta-buta hal hamara jane hai
jane na jane gul hi na jane, bag to sara jane hai

lagne na de bas ho to us k gauhar-e-gosh k bale tak
us ko falak chashm-e-mai-o-khor ki titli ka tara jane hai

age us mutaqabbar k ham Khuda Khuda kiya karte hain
kab maujud khuda ko wo magrur khud-ara jane hai

ashiq sa to sada koi aur na hoga duniya main
ji k zian ko ishq main us k apna wara jane hai

charagari bimari-e-dil ki rasm-e-shahar-e-husn nahin
warna dilbar-e-nadan bhi is dard ka chara jane hai

kya hi shikar-farebi par magrur hai wo sayad bacha
tayar urte hawa main sare apni usra jane hai

mehar-o-wafa-o-lutf-o-inayat ek se waqif in main nahin
aur to sab kuch tanz-o-kanaya ramz-o-ishara jane hai

kya kya fitne sar par us k lata hai mashuq apna
jis bedil betab-o-tawan ko ishq ka mara jane hai

ashiq to murda hai hamesha ji uthta hai dekhe use
yar k a jane ko yakayak umr do bara jane hai

rakhnon se diwar-e-chaman k munh ko le hai chipa ya’ani
un surakhon k tuk rahne ko sau ka nazara jane hai

tashna-e-khun hai apna kita ‘Mir’ bhi nadan talkhikash
damdar ab-e-teg ko us k ab-e-gawara jane hai

7 pages