Poetry With Lyrics

Tag: Latest Shayari

Yun kis tarha kattay ga karri dhoop ka safar?

1 September, 2013 | Two Lines Poetry Shayari |

Yun kis tarha kattay ga karri dhoop ka safar?
Sir per khayal-e-yaar ki chaadar hi lay lain . !

Woh kabhi aankh bhi jhapkey to larzz jata hoon main,

30 March, 2013 | Two Lines Poetry Shayari |

Woh kabhi aankh bhi jhapkey to larzz jata hoon main,
Mujh ko us se bhi zeyada hai zaroorat uss ki..

Ehsaas Mein Shadeed Talatum Ke Bawjood

22 March, 2013 | Two Lines Poetry Shayari, Urdu Hindi SMS |

Ehsaas Mein Shadeed Talatum Ke Bawjood
Chup Hoon Mujhe Sakoon Muyassar Ho Jaise

Koi kaanta mere dil mein chubho jaye to acha hai

22 March, 2013 | Urdu Poetry Shayari |

Koi kaanta mere dil mein chubho jaye to acha hai,
Hamesha ke liye woh mujhse kho jaye to acha hai,

Rakhen ge is tarah dhoke se kab tak khawab ankhon mein,
Jo hona kal hai woh sab aaj ho jaye to acha hai,

Kabhi sheher-e-tamana ne kabhi kisi ne phool paaye kya,
Yeh titlee soch kar kaanton per so jaye to acha hai,

Kayi din se mere ghar ke dar-o-deewar hain viraan,
Kisi ke wasl ki baarish jo ho jaye to acha hai,

Jahan par phool khilte they wahan ab khaak urrti hai,
Mere seeney pe jugnu beej bo jaye to acha hai,

Mein pathar ho gaya hoon gham se aesa reh nahin sakta,
Agar barish mera chehera bhigo jaye to acha hai,

Yeh maana hijrtain is gaaon se zaroori hain,
Meri basti mere andar samo’o jaye to acha hai,

Mein ab ke chahta hoon yeh ke is saawan jo barish ho,
Puraney mausmon ke rang dho jaye to acha hai,

Bhanwar se bheek mangey ga? Teri fitrat nahin Sahir,
Tu kashti aap hi apni dabo’o jaye to acha hai

Yeh kya ke tujhe bhi hai zamaney se shikayat,

3 March, 2013 | Two Lines Poetry Shayari |

Yeh kya ke tujhe bhi hai zamaney se shikayat,
Yeh kya ke teri aankh bhi pur’num hai meri jaan..

Na Dawa miley na duaa miley tere dil men dard utha karey

24 January, 2013 | Two Lines Poetry Shayari |

Na Dawa miley na duaa miley tere dil men dard utha karey
Tu jo mout ki kare aarzoo teri umr aur draaz ho

Ik halish ko hasil umer-e-rawaan rehnay dya,

17 January, 2013 | Two Lines Poetry Shayari |

Ik halish ko hasil umer-e-rawaan rehnay dya,
Jaan ker hum ne inhain naa meharbaan rehany dya..

15 pages