Poetry With Lyrics

Tag: Ibn-e-Insha

dasht parta hai miyan ishq mein ghar se pehle

7 July, 2013 | Shayari by Poets |

dasht parta hai miyan ishq mein ghar se pehle

chal diye uth k su-e-shahar-e-wafa ku-e-habib
puch lena tha kisi khak basar se pehle

ishq pehle bhi kiya hijr ka gam bhi dekha
itne tarpe hain na ghabraye na tarse pehle

ji bahalta hi nahin ab koi saat koi pal
rat dhalti hi nahin char pahar se pehle

ham kisi dar pe na thithak na kahin dastak di
saikaron dar the meri jan tere dar se pehle

chand se ankh mili ji ka ujala jaga
ham ko so bar hui subah sahar se pehle

us sham wo rukhsat ka saman yad rahega

17 June, 2012 | Shayari by Poets |

us sham wo rukhsat ka saman yad rahega
wo shahar wo kucha wo makan yad rahega

wo tis k ubhri thi idhar yad rahegi
wo dard k utha tha yahan yad rahega

ham shauq k shole ki lapak bhul jayenge
wo shama-e-fasurda ka dhuan yad rahega

kuch mir k abyat the kuch faiz k misre
ik dard ka tha jin main bayan yad rahega

jan bakhsh si thi us gulbarg ki tarawat
wo lams-e-aziz-e-do-jahan yad rahega

ham bhul sak hain na tujhe bhul saknge
tu yad rahega hamen han yad rahega

aur to koi bas na chalega hijr k dard k maron ka

17 October, 2011 | Shayari by Poets |

aur to koi bas na chalega hijr k dard k maron ka
subah ka hona dubhar kar dein rasta rok sitaron ka

jhuthe sikon mein bhi utha dete hain aksar sacha mal
shaklen dekh k sauda karna kam hai in banjaron ka

apni zuban se kuch na kahenge chup hi rahenge ashiq log
tum se to itna ho sakta hai pucho hal becharon ka

ek zara si bat thi jis ka charcha pohuncha gali gali
ham gumnamon ne phir bhi ehsan na mana yaron ka

dard ka khna chikh utho dil ka taqaza waza nibhao
sab kuchh sehna chup chup rahna kam hai izzatdaron ka

chal diye uth k su-e-shahar-e-wafa ku-e-habib

7 August, 2010 | Shayari by Poets, Urdu Poetry Shayari |

chal diye uth k su-e-shahar-e-wafa ku-e-habib
puch lena tha kisi khak basar se pehle

ishq pehle bhi kiya hijr ka gam bhi dekha
itne tarpe hain na ghabraye na tarse pehle

ji bahalta hi nahin ab koi saat koi pal
rat dhalti hi nahin char pahar se pehle

ham kisi dar pe na thithak na kahin dastak di
saikaron dar the meri jan tere dar se pehle

chand se ankh mili ji ka ujala jaga
ham ko so bar hui subah sahar se pehle

ham un se agar mil baithte hain kya dosh hamara hota hai

9 February, 2009 | Shayari by Poets |

ham un se agar mil baithte hain kya dosh hamara hota hai
kuch apni jasarat hoti hai kuch un ka ishara hota hai

katne lagin raten ankhon main dekha nahin palakon pe aksar
kabhi sham-e-gariban ka jugnu kabhi subah ka tara hota hai

ham dil ko liye har des phire is jins ka gahak mil na saka
ai banjaro ham log chale ham ko to khasara hota hai

ham apni zaban se kuch bhi kahen shayar hai khayalon se khelen
a jao to baham mil baithe kabhi hijr bhi pyara hota hai

daftar se uthe kaife main gaye kuch sher kahe kuch kafi pi
pucha jo muash ka “Inshaji” yun apna guzara hota ha

Dil dard ki shiddat se khoon-gashta-o-see paara,

19 September, 2008 | Shayari by Poets, Urdu Poetry Shayari |

Dil dard ki shiddat se khoon-gashta-o-see paara,
Is sheher mein phirta hai ek wehshee-o-awara,
Shayar hai ke aashiq hai, jogi hai ke banjara,
Darwaza khula rakhna,

Seene se ghata uthe, aankhon se jhari barse,
Phaagan ke nahi badal, jo chaar ghadi barse,
Barkha hai ye bhaado ki, barse to badi barse,
Darwaza khula rakhna,

Aankhon mein ek alam, aankhon mein to duniya hai,
Honthon pe magar mohrein, munh se nahi kehta hai,
Kis chiz ko kho baitha hai, kya dhundne nikla hai,
Darwaza khula rakhna,

Haan thaam mohabbat ki gar thaam sake dori,
Sajan hai, tera sajana, ab tujhse to kya chori,
Yeh jis ki manaadi hai basti mein teri gori,
Darwaza khula rakhna,

Shikwon ko utha rakhna, aankhon ko bichha rakhna,
Ek shama dareeche ke chaukhat pe jala rakhna,
Mayoos na phir jaaye, haan paas-e-wafa rakhna,
Darwaza khula rakhna darwaza khula rakhna.

kal chaudhwin ki rat thi shab bhar raha charcha tera

19 July, 2008 | Shayari by Poets |

kal chaudhwin ki rat thi shab bhar raha charcha tera
kuch ne kaha ye chand hai kuch ne kaha chehra tera

ham bhi wahin maujud the ham se bhi sab pucha kiye
ham hans diye ham chup rahe manzur tha parda tera

is sheahr mein kis se milen ham se to chuti mahfilen
har shakhs tera nam le har shakhs diwana tera

kuche ko tere chor kar jogi hi ban jayen magar
jangal tere parbat tere basti teri sahra tera

ham aur rasm-e-bandagi ashuftagi uftadagi
ehsan hai kya kya tera ai husn-e-beparwa tera

do ashk jane kis liye palkon pe a kar tik gaye
altaf ki barish teri ikram ka darya tera

ai bedarg-o-beaman ham ne kabhi ki hai fugan
ham ko teri wahshat sahi ham ko sahi sauda tera

tu bewafa tu mahraban ham aur tujh se bad-guman
ham ne to pucha tha zara ye waqt kyun thehra tera

ham par ye sakhti ki nazar ham hain faqir-e-rahguzar
rasta kabhi roka tera daman kabhi thama tera

han han teri surat hasin lekin tu aisa bhi nahin
is shakhs k ashar se shohra hua kya kya tera

beshak usi ka dosh hai kahta nahin khamosh hai
tu ap kar aisi dawa bimar ho acha tera

bedard sunani ho to chal kahta hai kya achhi gazal
ashiq tera ruswa tera shayar tera “Insha” tera

2 pages