Poetry With Lyrics

Tag: Hassan Rizvi

Phone pe us ki baatain, us ke qehqahey ache lagte hain,

12 February, 2011 | Urdu Hindi SMS |

Phone pe us ki baatain, us ke qehqahey ache lagte hain,
Pal do pal ke sahi, magar yeh rishte ache lagte hain,

Rang jagate jumlon se lagta hai, jese us ko bhi,
Khatti meethi batain karte larke achey lage hain,

Hamain khabar hai sab tabeerain hath na aati pariyan hain,
Phir bhi jaagti aankhon dekhe sapne achey lagte hain,

Motiyon waley mukhre bhi apne ahbaab mein shamil they,
Magar humain to khush’khat saanwley achey lagte hain,

Hum donon mastanon ki ik khawhish milti julti hai,
Mujh ko shehzadi, us ke shehzadey ache lagte hain,

Hassan Raza aakhir aesi ik hoobi hogi, jis ke sabab,
Sheher ki mah’jabenon ko hum itne ache lagte hain,

Kaanch kanwari umron ko jab matti mein rul jana hai,
Phir kyon Raza yeh lamha bhar ke mailey achey lagte hain…

kabhi kitabon mein phul rakhna

17 November, 2010 | Urdu Hindi SMS |

kabhi kitabon mein phul rakhna
kabhi darakhton pe nam likhna
hamein bhi hai yad aj tak wo
nazar se harf-e-salam likhna

wo chand chehre wo behki baten
sulagte din the mehakti raten
wo chote-chote se kagzon par
muhabbaton k payam likhna

gulab chehron se dil lagana
wo chupke chupke nazar milana
wo arzuon k khwab bunna
wo qissa-e-natamam likhna

mere nagar ki hasin fizao
kahin jo un k nishan pao
to puchna ye kahan base ho
kahan hain un ka qayam likhna

gai ruton mein ?Hassan? hamara
bas ek hi to ye mashgala tha
kisi k chehre ko subah kahna
kisi ki zulfon ko sham likhna

teri guftagu mein hai jo chashni jo tere labon mein halawaten

4 April, 2008 | Shayari by Poets |

teri guftagu mein hai jo chashni jo tere labon mein halawaten
na surur wo fasl-e-bahar mein na gulon mein latafaten

kahan rah gain teri nighaten wo saba kidhar ko nikal gai
teri ahaton ko taras gain mere jism-o-jan ki samaten

tere ang ang amin loch hai mere dil k soz-o-gadaz ka
mere khun-e-dil se raqam huin tere rang-o-bu ki hikayaten

meri chashm-e-gam dil-e-muztarib gam-e-arazu gam-e-justaju
liye phir raha hun nagar nagar kisi mehraban ki amanaten

ye shab-e-firaq ye bebasi hain qadam qadam pe udasiyan

12 January, 2008 | Shayari by Poets |

ye shab-e-firaq ye bebasi hain qadam qadam pe udasiyan
mera sath koi na de saka meri hasraten hain dhuan dhuan

main tarap tarap k jiya to kya mere khwab mujh se bichar gaye
main udas ghar ki sada sahi mujhe de na koi taslliyan

chali aisi dard ki andhiyan mere dil ki basti ujar gai
ye jo rakh-si hai bujhi bujhi hain isi mein meri nishaniyan

ye fiza jo gard-o-gubar hai meri bekasi ka mazar hai
main wo phul hun jo na khil saka meri zindagi mein wafa kahan

kabhi kitabon mein phul rakhna

15 November, 2007 | Shayari by Poets |

kabhi kitabon mein phul rakhna
kabhi darakhton pe nam likhna
hamein bhi hai yad aj tak wo
nazar se harf-e-salam likhna

wo chand chehre wo behki baten
sulagte din the mehakti raten
wo chote-chote se kagzon par
muhabbaton k payam likhna

gulab chehron se dil lagana
wo chupke chupke nazar milana
wo arzuon k khwab bunna
wo qissa-e-natamam likhna

mere nagar ki hasin fizao
kahin jo un k nishan pao
to puchna ye kahan base ho
kahan hain un ka qayam likhna

gai ruton mein “Hassan” hamara
bas ek hi to ye mashgala tha
kisi k chehre ko subah kahna
kisi ki zulfon ko sham likhna

1 pages