Poetry With Lyrics

Tag: Habib Jalib

Gulistanon pe hi naheen moqoof,

9 May, 2012 | Urdu Poetry Shayari |

Gulistanon pe hi naheen moqoof,
Junglon me bhi phool khilte hain..

Yeh aur baat teri gali main na ayen hum,

7 August, 2010 | Urdu Poetry Shayari |

Yeh aur baat teri gali main na ayen hum,
Lekin yeh kya ke tera sheher chorr jayen hum,

Muddat huyi hai kuye bataan ki taraf gaye,
Awaargi se dil ko kahan tak bachaayen hum,

Be’noor ho chuki hai bohat sheher ki fizaa,
Tareek raston par kahin kho na jayen hum,

Us ke baghair aaj bohat jee udaas hai,
Jaalib chalo kahin se usey dhoond ke layen hum..

Kahin aah ban ke lab per tera naam aa na jaye,

16 July, 2008 | Urdu Poetry Shayari |

Kahin aah ban ke lab per tera naam aa na jaye,
Tujhe bewafa kahoon mein, woh maqaam aa na jaye,

Jisey sun ke toot jaye mera aarzu bhara dil,
Teri anjuman se mujh ko woh peyaam aa na jaye,

Woh jo manzilon per laa kar kisi hamsafar ko lootain,
Unhi rehzanon mein tera kahin naam aa na jaye,

Isi fikr mein hain ghalat yeh nizaam ke bandey,
Jo tamaam zindagi hai woh nizaam aa na jaye..

Yeh kya ke tujhe bhi hai zamaney se shikayat,

17 April, 2006 | Two Lines Poetry Shayari |

Yeh kya ke tujhe bhi hai zamaney se shikayat,
Yeh kya ke teri aankh bhi pur’num hai meri jaan..

1 pages