Poetry With Lyrics

Tag: Ghazal Shayari

Kahan tak jafaa husn walon ki sehtay..

18 November, 2017 | Urdu Poetry Shayari |

zamana barre shauq se sun raha tha

Kahan tak jafaa husn walon ki sehtay,
Jawani jo rehti to phir hum na rehte,

Lahuu tha tamanna ka ansuu nahin thay,
Bahaye na jaate to hargiz na behtay,

Wafaa bhi na hota to acha tha wada,
Gharri do gharri to kabhi shaad rehtay,

Main jagoon ga kab tak woh soyen ge taa-kay,
Kabhi cheekh uthoon ga gham sehtay sehtay,

Bataate hain ansuu ke ab dil nahin hai,
Jo paani na hota to dariyaa na behtay,

Zamaana barre shauq se sun raha tha,
Hameen so gaye daastaan kehtay kehtay,

Koi naqsh aur koi deewaar samjha,
Zamaana hua mujh ko chup rehtay rehtay,

Meri naao is gham ke dariyaa main saqib,
Kinaaray pe aa hi lagi behtay behtay..

 

Woh Nahi Mila

18 November, 2017 | Urdu Poetry Shayari |

Woh Nahi Mila Toh Malaal Kya
Jo Guzar Gaya So Guzar Gaya

Usse Yaad Karke Na Dil Dukha
Jo Guzar Gaya So Guzar Gaya

Na Tu Bewafa Na Main Bewafa
Jo Guzar Gaya So Guzar Gaya

Na Malaal Kar Mere Saath Aa
Jo Guzar Gaya So Guzar Gaya

Woh Tera Hai Usko Gale Laga
Jo Guzar Gaya So Guzar Gaya

Aapki Wo Khamoshi Mujhe

18 November, 2017 | Urdu Poetry Shayari |

Aapki Wo Khamoshi Mujhe
Kanto Ki Tarha Chubh Rahi Thi

Aaj Ki Ye Tanhai Mujhpe,
Na Jane Kyu Itna Das Rahi Thi

Aapki Peshkas To Aaj Sach
Sab K Dil Ko Jeet Rahi Thi.

Par Mujhse Puchho Jara Aap
Wo Mujhe Kitna Dard De Rahi Thi

Main Guzre Waqt Ki Har Baat Bhula Dena Chaahati Hoon

7 October, 2017 | Urdu Poetry Shayari |

Main Guzre Waqt Ki Har Baat Bhula Dena Chaahati Hoon
Teri Yaadon Ko Main Dil Se Mita Dena Chaahati Hoon

Tere Bagair Bhi Main Jee Sakti Hoon Kahin Behtar
Yahi Main Tujhko Bata Dena Chaahati Hoon

Tum Samjhte Ho Ki Main Jee Sakoongi Naa Tumhaare Bina
Aur Samajhte Ho Ki Main Gham Se Ubhar Sakoongi Naa Tumhaare Bina

Tere Bagair Bhi Meri Zindgi Jaayegi Sanwar
Sirf Itna Main Tujhe Bata Dena Chaahati Hoon

Main Guzre Waqt Ki Har Baat Bhula Dena Chaahati Hoon
Tumne To Kar Dikhaaya Jo Tumne Tha Kar Dikhaana

Woh Teri Berukhi Woh Tera Mujhko Bhool Jaana
Main Tujhko Bhool Kar Tujhko Bhi Tadpa Dena Chaahati Hoon
Main Guzre Waqt Ki Har Baat Bhula Dena Chaahati Hoon

Yaksu bhi lag raha hoon bikharne ke bawjuud..

7 October, 2017 | Urdu Poetry Shayari |

 

Yaksu bhi lag raha hoon bikharne ke bawjuud,
Puri tarah mara nahin marne ke bawjuud,

Ik dhuup si tani hui badal ke aar-paar,
Ik pyaas hai ruki hui jharne ke bawjuud,

Us ko bhi yaad karne ki fursat na thi mujhe,
Masruuf tha main kuch bhi na karne ke bawjuud,

Pehla bhi dusra hi kinara ho jis tarah,
Halat wohi hai paar utarne ke bawjuud,

Apni taraf hi rukh tha wahan vardaat ka,
Ilzaam us ke naam pe dharne ke bawjuud,

Hairaan hoon mujh main itni yeh himmat kahan se ayi,
Kar hi geya hoon kaam jo darne ke bawjuud,

Jaisa bhi yeh safar ho zara ghaur kijiye,
Kaisa ravaan-davaan hoon thehrne ke bawjuud,

Nikla nahin hai koi nateeja yahan zafar,
Karne ke bawjuud na bharne ke bawjuud..

 

 

Har Jhakoraa Payaam Laataa Hai

7 October, 2017 | Urdu Poetry Shayari |

Har Jhakoraa Payaam Laataa Hai
Deikhnaa Hai, Ki, Koun Aataa Hai

Bulaa Rahee Hai Yaad, Tanhaa Hoon
Ya Ki, Koyee Mujhey Bulaataa Hai

Yah, Ragoun Mein, Suroor-Sa Kyaa Hai
Hosh Aataa Hai; Chalaa Jaataa Hai

Dil Ke Sheher Mein Aag Lagi Hain

7 October, 2017 | Urdu Poetry Shayari |

Dil Ke Sheher Mein Aag Lagi Hain
Jazbaato Ko Shor Ha-Ha Ker Ker Raha Hain

Ashko Kaa Pani Beh Sookh Chala Hain.
Dil Ke Sheher Mein Ekk Khayal Aata Hain

Dusre Khayal Ko Cheer Ker Chala Jata Hain
Dhadakta Hua Kaleja Wahi Kaa Wahi

Aag Mein Jalta Hua Reh Jata Hain
Dil Ke Sheher Mein Gam Kii Peera Mein

Garm Garm Ekk Aansu Ankho Ke Kinaro Ko Tor
Rukhsaaro Per Dhulakta Hua Daman Ko Bhigo Jata Hain

Dil Ke Sheher Mein Aas-Kiran Aati Hain
Nirasha Uska Gala Ghont Jati Hain…

Dhua-Dhua Jalta Hain Dil…
Kyuki Dil Ke Sheher Mein Aag Lagi Hain

123 pages