Poetry With Lyrics

Tag: Farhat Abbas Shah

Husn-o-Jamaal Ke Bhi Zamaanay Nahi Rahay

4 May, 2013 | Shayari by Poets, Urdu Poetry Shayari |

Husn-o-Jamaal Ke Bhi Zamaanay Nahi Rahay
Aankhon Mein Oski Khwaab Suhaanay Nahi Rahay

Milnay Ko Aa Hee Jata Hai Har Chund Roz Baad
Lagta Hai Oske Paas Bahaanay Nahi Rahay

Larzish Hai Haath Mein Tou Mein Tou Nazar Bhi Hai Dhundli
Pehlay Se Ab Wo Dil Ke Nishaanay Nahi Rahay

Uthti Nahi Hain Shoq-o-Tajassus Ke Ba-Wajood
Aankhon Ke Kitnay Kaam Puraanay Nahi Rahay

Kamray Se Bhar Gaye Hain Masaail Ki Gard Se
Dil Mein Tere Khayaal Ke Khaanay Nahi Rahay

Aik qatra malaal bhi boya nahin geya,

29 January, 2013 | Shayari by Poets, Urdu Poetry Shayari |

Aik qatra malaal bhi boya nahin geya,
Woh khauf tha ke logon se roya nahin geya,

Yeh sach hai ke teri bhi neendain ujarr gayin,
Tujh se bichar ke hum se bhi soya nahin geya,

Us raat tu bhi pehle sa apna nahin laga,
Us raat khul ke mujhse bhi roya nahin geya,

Daman hai khushk, ankh bhi chup chaap hai bohat,
Larriyon mein aansuyon ko piroya nahin geya,

Alfaaz talkh, baat ka andaaz sard hai,
Pichlaa malaal aaj bhi goya nahin geya,

Ab bhi kahin kahin pe hai kalakh lagi huyi,
Ranjish ka daagh theek se dhoya nahin geya..

Bicharnay Ke Zamaanay Aagaye Hain

20 January, 2013 | Shayari by Poets, Urdu Poetry Shayari |

Bicharnay Ke Zamaanay Aagaye Hain
Ose Kitnay Bahaanay Aagaye Hain

Udaasi Mein Ghar Se Rehtay Thai Jub Hum
Wo Saaray Din Puraanay Aagaye Hain

Nahin Hain Khush Gira Kar Arsh Se Bhi
Zameen Se Bhi Uthaanay Aagaye Hain

Wo Hum Per Muskuraanay Aagaye Hain
Naya Ek Gham Lagaanay Agaye Hain

Kisi Ki Mout Ke Aasaar Dil Mein
Sif-e-Maatam Bichaanay Aagaye Hain

Bata Do Mausam-e-Girya Ko Farhat
Ke Hum Ronay Rulaanay Aagaye Hain

Dil Udaas Rehta Hai

7 December, 2012 | Shayari by Poets, Urdu Poetry Shayari |

Dil Udaas Rehta Hai
Baarishon Ke Mausam Mein
Zindagi Pighalti Hai
Khwaahishon ke Mausam Mein
Waqt Thehar Jata Hai
Muntazir Nigahon Mein
Janglon Ke Khatray Hain
Bastion Ki Raahon Mein
Ho Sake Tou Lout Aana
Pyar Ki Panahon Mein..
Ishq Ka Ijaara Hai
Dil Ki Shahraaon Per

Saabit hua ke tu bhi zamane ke sath hai,

22 October, 2012 | Shayari by Poets, Two Lines Poetry Shayari |

Saabit hua ke tu bhi zamane ke sath hai,
Saabit hua ke tu bhi hamaara nahin rahaa..

Kubhi Safar Tou Kubhi Shaam Le Gaya Mujh Se

5 October, 2012 | Shayari by Poets, Urdu Poetry Shayari |

Kubhi Safar Tou Kubhi Shaam Le Gaya Mujh Se
Tumhara Dard Kayi Kaam Le Gaya Mujh Se

Mujhe Khabar Na Howi Aur Zamaana Jaatay Howay
Nazar Bachaa Ke Tera Naam Le Gaya Mujh Se

Ose Ziaada Zaroorat Thi Ghar Basaanay Ki
Wo Aake Mere Dar-o-Baam Le Gaya Mujh Se

Bhalaa Kahan Koi Juz Oske Milnay Waala Tha
Bas Ik Jurrat-e-Naakaam Le Gaya Mujh Se

Bas Ik Lamhay Ke Sach Jhoot Ke Awiz Farhat
Tamaam Umar Ka ilzaam Le Gaya Mujh Se

Jazba-o-Shoq Ki Rawaani Mein

13 August, 2012 | Shayari by Poets, Urdu Poetry Shayari |

Jazba-o-Shoq Ki Rawaani Mein
Galti Ho Gayi Jawaani Mein

Zindagaani Tou Jaisay Doob Gayi
Hijr Aur Gham Ki Be-Karaani Mein

Jaanay Kia Keh Gaya Hai Ashkon Ko
Aag Si Lag Gayi Hai Paani Mein

Ik Din Dil Hawaas Kho Baitha
Ik Choti Si Naagihaani Mein

Tajziya Hee Nahe Kiya Os Ka
Umer Beeti Hai Khush-Gumaani Mein

Oski Aadat Se Mujhko Lagta Hai
Koi Lazzat Hai Bad-Gumaani Mein

Ik Kashish Si Ajeeb Hoti Hai
Ishq Ki Saltanat Ki Raani Mein

Wo Mujhe Dekh Kar Bohat Khush Hai
Dukh Ke Sooraj Ki Saayebaani Mein

Ik Mohabbat Hai Aur Judai Hai
Umer Ki Mukhtasir Kahani Mein

5 pages