Poetry With Lyrics

Tag: Fakhira Batool

Bhool janey ka to bas ik bahana hoga,

27 January, 2013 | Shayari by Poets, Urdu Poetry Shayari |

Bhool janey ka to bas ik bahana hoga,
Ke har taur usey yaad to aana hoga,

Koi mausam ho, mehekta rahe, shadaab rahe,
Apni aankhon ko kanwal aesa banana hoga,

Band muthi se jo urr jati hai qismat ki pari,
Iss hatheli main koi chaid* purana hoga,

Aabley* paaon ke mehkain to magar dard na dain,
Dasht mein raat ke daron ko yeh batana hoga,

Zaawiye* us ki nigahon ke barey qaatil hain,
Samne us ke bohat soch ke jana hoga,

Ghaoo* kitna bhi puraana ho, beher’haal usey,
Kachey mausam ki shararat se bachana hoga,

Hath likhne pe mussar, khauf zamaney ka Batool,
Pairr* pe naam koi likh ke mitaana hoga..

Socha hota khawb dikhaney se pehle,

2 August, 2012 | Shayari by Poets, Urdu Poetry Shayari |

Socha hota khawb dikhaney se pehle,
Aur kisi ko apna bananey se pehle,

Kuch pal us ko neend mein ghaur se dekho to,
Dheerey dheerey us ko jaganey se pehle,

Soch lo is mein koi qeemti shey hi na ho,
Dil ke sheher ko aag laganey se pehle,

Dekha, to sab tan man raakh ka dhair hua,
Apne dono hath bachaney se pehle,

Socha, rab se us ko maang ke dekhoon to,
Sar sajdey se aaj uthaney se pehle,

Ab pachtaney se bhi kya haasil ho ga,
Socha hota aankh milaney se pehle,

Aao aakhri baar karain hum yaad usey,
Sach much us ko aaj bhulaney se pehle..

Aao Barish Se To Poochain

9 July, 2011 | Urdu Poetry Shayari |

Aao Barish Se To Poochain
Kiya Uss Se Bhi Wa’da Karkey Chhorr Giya Hai Koi Us Ko
Kiya Uss Ko Bhi Neind Nahin Aati Barson Se
Kiya Uss Ko Bhi Phoolon Se Shikwa Hai Koi

Uss K Sathh Bhi Khail Hawaon Nay Khaila Hai
Dhuwan Dhuwan Saa Us Ka Chehra Kion Hai Aakhir?
Bheegi Bheegi Us Ki Palkein Kiss Nay Kar Dein?
Aao Barishh Se Ye Poochain..!

Hai Haqeeqat, Gumaan Thori Hai

3 November, 2010 | Shayari by Poets, Urdu Poetry Shayari |

Hai Haqeeqat, Gumaan Thori Hai
Ye Siyaasi Bayaan Thori Hai

Dar Sa Lagta Hai Kiun Nateejay Se
Ishq Hai Imtehaan Thori Hai

Chhorr Kar Chal Dya Hamain Yun Hee
Wo Koi Badgumaan Thori Hai

Teer Ki Ja Gulaab Kiun Na Milain
Zindagi Hai Kamaan Thori Hai

Koi Shikwah Karain Tou Kaisay Karain
Apne Mun Mein Zabaan Thori Hai

Ham Ko Takta Hai Jis Haqaarat Se
TU Koi Aasmaan Thori Hai

Hum Se Milnay Ko Chal Ke Aaye Magar
Is Qadar Meherbaan Thori Hai

Koi Basnay Laga Hai Is Mein “ Batool”
Dil Hai, Khaali Makaan Thori Hai

Zindagi khawab-e-pareshaan se zeyada to nahin,

8 December, 2009 | Shayari by Poets, Urdu Poetry Shayari |

Zindagi khawab-e-pareshaan se zeyada to nahin,
Is main tabeer bhi mil jaye yeh waada to nahin,

Baat be’baat ulajhney ki yeh huu kesi hai,
Yeh bataa tera bicharrney ka iraada to nahin,

Kon khushbuu ke peechey geya door talak,
Log saada hain magar itney bhi saada to nahin,

Kis khushi se mujhe bheja hai bata surkh gulaab,
Zulm ka yeh teri jaanib se iraada to nahin,

Bewafa hum hi sahi, khud pe bhi kuch ghaur karo,
Be’rukhi aap ki bhi hadh se zeyadaa to nahin..

Khailtey Khailtey Donon Mein Se

24 October, 2009 | Urdu Poetry Shayari |

Khailtey Khailtey Donon Mein Se
Ekk Ne Doojay Ki Guriya Ki Noch Lee Aankhein
Larki Cheekhi,
Daikho, Tum Ne Meri Guriya Andhi Karr Di
Ab Sapney Kaise Daikhey Gee?

Larka Nadamm Ho Krr Bola…..
Mein Jab Abu Jitna Ho Kar Shaher Giya To
Ye Wa’da Karta Hoon Tum Se
Sab Se Pehley
Iss Ki Aankhein Laon Gaa
Sunna Hai Shaher Giya Wo Ekk Din

Janey Iss K Baad Kiya Hua
Ye Maloom Nahin Lekin
Aaj Achanak Uss Larki Ko Rah Mein Daikha
Haath Mein Uskey Ekk Guriya Thee
Haan Batlana Bhool Gai Mein..!!!!
Guriya Aaj Bhi Andhi Hai

Zakham Kia Kia Na Zindagi Se Milay

6 August, 2007 | Shayari by Poets, Urdu Poetry Shayari |

Zakham Kia Kia Na Zindagi Se Milay
Khwaab Palkon Se Be-Rukhi Se Milay

Aap Ko Mil Gaye Hain Qismat Se
Ham Zamanay Mein Kab Kisi Ko Milay ?

Aisay Khushbu Se Mil Raha Hai Gulaab
Jis Tarah Raat, Roshni Se Milay

Ham Faqeeron Se Dosti Hai Magar
Os Se Kehna Ke Saadgi Se Milay

Dil Mein Rakhtay Hain Ehtyaat Se Ham
Zakham Jo Jo Bhee Jis Kisi Se Milay

Zindagi Se Galay Milay Tou Lagaa
Ajnabi Jaisay Ajnabi Se Milay

Os Ke Seenay Mein Dil Nahee Tha “Batool”
Ham Ne Socha Tha Aadmi Se Milay

1 pages