Poetry With Lyrics

Tag: Faiz Ahmad Faiz

kuch muhtasibon k khilwat main kuch waiz k ghar jati hai

28 August, 2013 | Shayari by Poets |

kuch muhtasibon k khilwat main kuch waiz k ghar jati hai
ham bada-kashon k hise ko ab jam main kam kam ati hai

yun arz-o-talab se kab ai dil patthar-dil pani hote hain
tum lakh raza k khu dalo kab khu-e-sitamgar jati hai

bedad-garon ki basti hai yan dad kahan fariyad kahan
sar phorti phirti hai nadan fariyad jo dar dar jati hai

han ji k zayan k ham ko bhi tashwish hai lekin kya kjiye
har rah jo udhar ko jati hai maqtal se guzar kar jati hai

ab kucha-e-dilbar ka rah-rau rahzan bhi bane to bat bane
pahre se udu talte hi nahin aur rat barabar jati hai

ham ahal-e-qafas tanha bhi nahin har roz nasim-e-subah-e-watan
yadon se muattar ati hai ashkon se munawwar jati hai

Pindaar Ke Khogar Ko Naqaam Bhi Dekho Ge?

10 July, 2013 | Shayari by Poets, Urdu Poetry Shayari |

Pindaar Ke Khogar Ko Naqaam Bhi Dekho Ge?
Aaghaaz Se Waaqif Ho Anjaam Bhi Dekho Ge?

Rungini-o-Duniya Se Mayoos Sa Ho Jana……
Dukhta Howa Dil Le Kar Tanhaayi Mein Kho Jaana

Tarsi Howi Nazron Ko Hasrat Se Jhuka Lena
Faryaad Ke Tukron Ko Aahon Mein Chhupa Lena

Raaton Ki Khamooshi Mein Chhup Kar Kubhi Ro Lena
Majboor Jawaani Ke Malboos Ko Dho Lena

Jazbaat Ki Wusat Ko Sajdon Se Basaa Lena
Bhooli Howi Yaadon Ko Seenay Se Laga Lena……!

sach hain hamin ko ap k shikwe baja na the

12 April, 2013 | Shayari by Poets |

sach hain hamin ko ap k shikwe baja na the
beshak sitam janab k sab dostana the

han jo jafa bhi ap ne ki qayede se ki
han ham hi karband-e-usul-e-wafa na the

aye to yun to k jaise hamesha k meharban
bhule to yun k goya kabhi ashna na the

kyon dad-e-gam ham ne talab ki, bura kiya
ham se jahan main kushta-e-gam aur kya na the

gar fikr-e-zakhm ki to khatawar hain k ham
kyon mahw-e-madh-e-khubi-e-teg-e-ada na the

har charagar ko charagari se gurez tha
warna hamain jo dukh the bahut ladawa na the

lab par hai talkhi-e-may-e-ayyam warna “Faiz”
ham talkhi-e-kalam par mail zara na the

gulon main rang bhare, bad-e-naubahar chale

28 March, 2013 | Shayari by Poets |

gulon main rang bhare, bad-e-naubahar chale
chale bhi ao k gulshan k karobar chale

qaffas udas hai yaro, saba se kuch to kaho
kahin to bahr-e-khuda aj zikr-e-yar chale

kabhi to subh tere kunj-e-lab se ho agaz
kabhi to shab sar-e-kakul se mushkabar chale

bara hai dard ka rishta, ye dil garib sahi
tumhare nam pe ayenge gamgusar chale

jo ham pe guzari so guzari magar shab-e-hijran
hamare ashk teri aqabat sanwar chale

huzoor-e-yar hui daftar-e-junun ki talab
girah main le k gareban ka tar tar chale

maqam ‘Faiz’ koi rah main jacha hi nahin
jo ku-e-yar se nikle to su-e-dar chale

phir koi aya dil-e-zar nahin koi nahin

26 March, 2013 | Shayari by Poets |

phir koi aya dil-e-zar nahin koi nahin
rahrau hoga kahin aur chala jayega
dhal chuki rat bikharne laga taron ka gubar
lrkharane lage aewanon main khwabida chirag
so gai rasta tak tak k har ek rahguzar
ajnabi khak ne dhundala diye qadamon k surag
gul karo shamain bara do mai-o-mina-o-ayag
apne bekhwab kiwaron ko muqaffal kar lo
ab yahan koi nahin, koi nahin ayega

mera dard nagma-e-besada

11 September, 2012 | Shayari by Poets |

mera dard nagma-e-besada
meri zat zara-e-benishan
mere dard ko jo zuban mile
mujhe apna nam-o-nishan mile
meri zat ko jo nishan mile
mujhe raz-e-nazm-e-jahan mile
jo mujhe ye raz-e-nihan mile
meri khamoshi ko bayan mile
mujhe qayanat ki sarwari
mujhe daulat-e-do-jahan mile

raz-e-ulfat chupa k dekh liya

19 July, 2012 | Shayari by Poets |

raz-e-ulfat chupa k dekh liya
dil buhot kuch jala k dekh liya

aur kya dekhne ko baqi hai
ap se dil laga k dekh liya

wo mere hok bhi mere na hue
unko apna bana k dekh liya

aj unki nazar main kuch hamne
sabki nazren bacha k dekh liya

‘Faiz’, taqmil-e-gam bhi ho na saki
ishq ko azma k dekh liya

as us dar se tutati hi nahin
ja k dekha, na ja k dekh liya

11 pages