Poetry With Lyrics

Tag: Eid Shayari

Chand nikle ga, Suna hai EID bhi hogi..

8 August, 2017 | Urdu Poetry Shayari | ,

Suna hy chand nikle ga,
Suna hy eid bhi hogi,
Humein to aasman pe door tak,
Kuch bhi nahi dikha tha,
Kahan wo chand nikle ga,
Ke jis ke wasty hum ne,
Kabhi palkein nahi jhapki,
Wo jis ka rasta takty,
Hy guzari zindagi apni,
Nahi kuch bhi khabar ke wo,
Nikly ga to kab aakhir…..??
Humari muntazir aankhon ko,
Us ki deed kab hogi,?

Abhi poocho nahin hum se,
Humari eid kab hogi..
Humari eid kab hogi..

The post Chand nikle ga, Suna hai EID bhi hogi.. appeared first on Ranjish.com.

Aap idhar aye udhar deen aur imaan gaye..

8 August, 2017 | Urdu Poetry Shayari | ,

Aap idhar aye udhar deen aur imaan gaye,
Eid ka chand nazar aya to ramzan gaye..

The post Aap idhar aye udhar deen aur imaan gaye.. appeared first on Ranjish.com.

Chand dekha hai to yaad ayi hai teri suurat..

1 December, 2016 | Two Lines Poetry Shayari, Urdu Poetry Shayari | ,

 

Chand dekha hai to yaad ayi hai teri suurat,
Haath uthte hain magar harf-e-duaa yaad nahin..

Masroof hai eid ki tayarion main..

2 October, 2016 | Urdu Poetry Shayari | ,

eid ki tyarion

Masroof hai khalaq eid ki tayarion main aur mein,
Mehv-e-fikr hoon ke sab se hansss kar milna hoga..

The post Masroof hai eid ki tayarion main.. appeared first on Ranjish.com.

Kash koi na likhe sher dukh bharay..

2 October, 2016 | Urdu Poetry Shayari | ,

eid ke din

Kash koi na likhe sher dukh bharay shahid,
Haal dil ka ho mussarat se bayaan eid ke din..

The post Kash koi na likhe sher dukh bharay.. appeared first on Ranjish.com.

Uncle uncle baat suno na.. Eid Ka Din Hai..

2 October, 2016 | Urdu Poetry Shayari | ,

Uncle uncle baat suno na,
Lambi gari wale uncle,
Eid ka din hai,
Meri umar ke saray bache,
Rang barange kaprre pehne,
Cham cham karte mehnge jootay,
Barre barre noton ki eidi,
Kitne khush hain,
Dekhen mere paaon bareeda,
Paaon main yeh tooti chappal,
Koi barra na koi eidi,
Phir bhi khush hoon,

Lekin uncle,
Woh jo us deewar ke paas,
Ik chaar barrass ki bachi haina,
Meri choti behna hai woh,
Koorra-daan se us ki khatir,
Aik hi paaon ke do jootay,
Aur barri kothi se utran ke kaprre laya hoon,

Lekin pagli kehti hai ke,
Bhaiyya mujh ko kangan la do,
Dekhen uncle,
Meri jaib main chand rupay hain,
Thehren main ginta hon in ko,
Dus ka note aur chand ik sikkay,
Kul mila kar satra (17) hain,
Teen (3) rupay bas de dain mujh ko,
Main apni choti behna ko,
Dus dus (10) ke do kangan laa doon,
Uncle uncle baat suno na,
Lambi gari walay uncle..

Dard ke maaron ne ghholl ke piyaa eid ka chaand..

13 December, 2015 | Urdu Poetry Shayari | ,

eid ka chand poetry
Talkhiyaan chubhne lagi jab zeest ke paimaane main,
Dard ke maaron ne ghholl ke piyaa eid ka chaand..

25 pages