Poetry With Lyrics

Tag: Dard Bhari Shayari

Khud Hi Sawaal Aur Khud Hi Jawaab Sa Hun Maen

24 June, 2017 | Urdu Poetry Shayari | ,

Khud Hi Sawaal Aur Khud Hi Jawaab Sa Hun Maen
Jo Naa Samjhi Gayi Kabhi Us Kitaab Sa Hun Maen

Dekh To Jaao Kareeb Se Ke Naayaab Sa Hun Maen
Vaqt Ke Sehraa Maen Ubhra Saraab Sa Hun Maen

Kuch Dam Ka Hun Mehmaan Hubaab Sa Hun Maen
Abhi To Hun Paas Tere Abhi Dastyaab Sa Hun Maen

Aankhon Se Bahte Ashko Ka Sailaab Sa Hun Maen
Jo Musalsal Barastaa Raha Voh Aab Sa Hun Maen

Tadbeeron Ke Banisbat Nakaamyaab Sa Hun Maen
Bigde Huvey Nasibon Ka Jaise Hisaab Sa Hun Maen

Kahin Paayaab Hun To Kahin Sailaab Sa Hun Maen
Aseere Mauje-Zeest Ki Ravani Girdaab Sa Hun Maen

Baar Baar Na Kah Zaahid Ke Kharaab Sa Hun Maen
Jo Na Aaunga Phir Haath Voh Sawaab Sa Hun Maen

Kisi Ke Dil Maen Sama Jaata Apna Bhi Dard Zara
Apne Hi Haale-Dil Ka Khud Naqaab Sa Hun Maen

Apni Hi Khushboo Se Mehroom Gulaab Sa Hun Maen
Haqiqat Ho Kar Bhi Kyon “Fer” Khwaab Sa Hun Maen

Nayaab—-Rare
Saraab—–Mirage
Hubaab—-Bubble
Dastyaab—Accessible
Sailaab—–Deluge
Musalsal—-Continuous
Barastaa—-Raining
Tadbeeron—-Deliberations
Banisbat—-In Spite Of
Nakaamyaab—–Unsuccessful
Hisaab—-Total
Zahid——Wise Man/pious Man
Kharaab—-Bad
Sawaab—-Reward For Good Deeds
Paayaab—–Ankle Deep Water
Aseer—-Captive
Mauj—-Wave
Zeest—–Life
Ravani—–Flow
Girdaab—–Vortex
Naqaab—-Veil
Khushboo—-Fragnance
Mehroom—–Devoid

Maut Bhi Humiko Mili Bata Ye Saza Kya Hai

24 June, 2017 | Urdu Poetry Shayari | ,

Maut Bhi Humiko Mili Bata Ye Saza Kya Hai
Chhupa Hai Jo Raaz Ismein Wo Chupa Kya Hai

Meri Mazaar Ko Roz Chu Kar Jate Hain Wo
Koi Puche Unse Ke Unki Raza Kya Hai

Kafan Mein Jhank Kar Kya Dekhte Ho Tum
Bata Bhi Do Abb Ismein Bacha Kya Hai

Diya Jalakar Meri Ruh Ko Behlate Ho Tum
Abb Nahin Hun Main Ismein Shuba Kya Hai

Ashq Beh Rahe Hain Kitni Hi Ankhon Se “Wafaâ€
Hum Soye Hi Toh Hain Bas Aur Hua Kya Hai

Yeh Raah-Ishq Hai

24 June, 2017 | Urdu Poetry Shayari | ,

Yeh Raah-Ishq Hai: Ajeeb Is Key Silsiley!
Beysaakhta Hai Reig-E-Rawaan Eik Lamhey Mein;

To Doosrey Mein, Gul Gulaab Key Waheen Khiley!
Jo Wasl-E-Khwaab Ko Bhi Tarastey They Kal,’Abd’,

Hain Baahuoun Mein Qaid Wahee, Lab Sey Lab Miley!
Kab Dein Unhain Badhaaiyaan; Gam-Khwaar Kab Banein?

Badh Se Battarr Hota Raha

24 June, 2017 | Urdu Poetry Shayari | ,

Badh Se Battarr Hota Raha
Koyii Kahen Kyon Main Aisa Hota Raha

Mere Karrmon Ka Sa Main Kyon Hota Raha
Naseeb Ka Gila Karr Kyon Main Daman Bachata Raha

Haan Dard Payen Hain Mene Bhii Ajeeb Se
Parr Main Unnkon Daman De Kesen Aasaan Hota Raha

Kitana Anjaan Sa Iis Duniyan Main Hota Raha
Chaar Kandho Parr Chadh Karr Sanju Yon Bhii Duniya Se Jata Raha

Maloom Hai Mujhe Ki Zindagi

24 June, 2017 | Urdu Poetry Shayari | ,

Maloom Hai Mujhe Ki Zindagi
Mujhse Kafa To Nahin Hai

Par Kaise Yakeen Karun Ki
Wo Bewafa Bhi Nahin Hai,

Zindagi Tere Saye Main Simat
Jane Ko Jee Chahata Hai Aaj

Par Darte Hain Ki Kanhi Tu
Koi Jhootha ,Khawab To Nahin Hai

Tere Chehare Ki Hansi Mere
Dil Ko Sukoon De Jati Hai, Phir
Sochte Hain Tu Koi Fareb To Nahin Hai

Hath Jo Tu De To Pakad Lun Daman
Phir Sochun Koi Daga To Nahin Hai

Zindagi Tu To Ek Kadwi Sacchai Hai
Koi Khusnuman Saman To Nahin Hai

Phir Bhi Chahun Tujhe Har Hadh Se Jyada
Tujhe Na Chahne Ki Koi Wajah To Nahin Hai.

Aaj Phir Ek Dubla Patla Insaan

24 June, 2017 | Urdu Poetry Shayari | ,

Aaj Phir Ek Dubla Patla Insaan
Bhukh Se Ladte Huve Mar Gaya

Aaj Phir Main Apni Prathmiktaon Ke Chalte
Ek Or Laash Ko Andekha Kar Gaya

Koi Rone Wala Na Thaa
Us Laavaarish Shareer Par

Ek Kutta Chaat Raha Thaa Use
Main Hairaan Thaa Uski Takdeer Par

Pachhees Tees Baras Tak Wo
Sardi Garmi Se Ladta Raha

Markar Bhee Na Paa Saka Wo Kapaas
Ek Umr Jiske Liye Tarasta Raha

Aksar Ye Haadse Hote Rehte Hain
Ham Aksar Inhe Andekha Kar Jaate Hain

Log Bhukh Se Marte Hain Is Shehar Mein Aakar
Jisme Wo Apni Jindgi Banaane Aate Hain

Hum Jante Hai Aap Humare Ho Nahin Sakhte

22 June, 2017 | Urdu Poetry Shayari | ,

Hum Jante Hai Aap Humare Ho Nahin Sakhte,
Dono Ki Ek Hi Manzil Hum Bana Nahin Sakhte,

Teri Bewafai Ke Sahare Tujhe Bhoolana Chaha,
Par Dil Se Tujhe Yeh Shikwe Bhi Door Kar Nahin Sakhte.

Janti Hoon Ke Aab Bhi Meri Kushi Ki Kamna Karte Ho,
Par Teri Yeh Duan Se Mere Ghav Aab Bhar Bhi Nahin Sakhte.

Kismat Ban Chuka Hai Kisi Aur Ka Pyar Tere,
Saat (7) Janmo Ka Saath Khuda Se Aab Mang Bhi Nahin Sakhte.

Chalne Ko To Bohot Hai Saath Chalne Ke Liye,
Par Tere Siwa Aab Kisi Aur Ko Chaha Bhi Nahin Sakhte.

204 pages