Poetry With Lyrics

Tag: Dard Bhari Poetry

Teri Judai

18 November, 2017 | Urdu Poetry Shayari | ,

Poochhonga Taqdeer Se Ek Din Main
Mera Tamasha Kyun Banaya Tha

Juda Karna Hi Th Agar Us Se Mujhko
Phir Us Se Mujhe Kyun Milaya Tha

Ujadna Hi Tha Mera Aashiyana Agar
Mohabbat Se Use Kyun Basaya Tha

Bigadna Hi Tha Agar Ye Zindagi Ka Mela
Hasin Khel Ye Phir Kyun Rachaya Tha

Manzoor Nahi Tha “Rashid” Ka Sath Agar
Mohabbat Ka Zahar Mujhe Kyun Pilaya Tha

Rafta-rafta woh meri hasti ka samaan ho gaye..

18 November, 2017 | Urdu Poetry Shayari | ,

Rafta rafta woh meri hasti ka saman ho gaye..

Rafta-rafta woh meri hasti ka samaan ho gaye,
Pehle jaan, phir jaan-e-jaan phir jan-e-janaan ho gaye,

Din-badin barhti gayin is husn ki raanaaiyan,
Pehle gul, phir gulbadan, phir gulbadamaan ho gaye,

Ap to nazdeek se nazdeektar aatay gaye,
Phir dil, phir dilruba, phir dil ke mehmaan ho gaye,

Pyar jab hadh se barrha saray takalluf mitt gaye,
Ap se phir tum huye, phir tuu ka unwaan ho gaye..

Rafta rafta woh meri hasti ka samaan

 

Khat Likhu Tujhko Aaghaz Kya Likhu

7 October, 2017 | Urdu Poetry Shayari | ,

Khat Likhu Tujhko Aaghaz Kya Likhu,
Pashema Hu Parema Hu Aadab Kya Likhu,

Gul To Likh Du Tujhko Magar Gul Ki Zindagi Kitni,
Agar Bulbul Likhu Tujhko To Sharmindagi Kitni,

Agar But Likhta Hu Tjhko To Patthar Hath Ata Hai,
Agar Khuda Likhta Hu Tujhko To Imaan Sath Jata Hai.

Veeranon Mein Jiya Hain

7 October, 2017 | Urdu Poetry Shayari | ,

Veeranon Mein Jiya Hain
Jeevan Kaa Zaher Piya Hain

Deke Khushyan Sab Ko
Badlay Mein Gam Liya Hain

Aangan Ke Phool Naa Kaam Aye
To Hum Ne Kaanton Se Dil Ko Siya Hain

Daastaan-E-Shauq

7 October, 2017 | Urdu Poetry Shayari | ,

Dil Mera Toota Aur Bikhar Gaya,
Yeh Dekh Rang Uska Aur Nikhar Gaya.

Mom Ka Hota To Taraash Leta Phir Se,
Par Yeh Kambakht To Ab Patthar Ho Gaya.

Poochta Hun Sang-Zani Thi Ya Uski Aashnaai,
Par Woh Jawaabdeh Na Jaane Kidhar Gaya.

Khwaahish Hai Jeene Ki Phir Usi Lamhe Ko,
Jo Na Jaane Kab Ka Guzar Gaya.

Hum Muskura Kya Diye Chand Lamhon Ke Liye,
Sabne Socha Chalo Ab “Saher” Sudhar Gaya.

Kahan Aakay Ruknay Thay Raastay

7 October, 2017 | Urdu Poetry Shayari | ,

Kahan Aakay Ruknay Thay Raastay, Kahan Mod Tha Ouse Bhool Ja
Wo Jo Mil Gaya Ouse Yaad Rakh, Jo Nahi Mila Ouse Bhool Ja

Wo Tere Naseeb Ki Baarishen, Kisee Or Chhat Per Baras Gayee
Dil-E-Bay Khabar Mery Baat Soun, Ouse Bhool Ja, Ouse Bhool Ja

Main To Goum Thi Tere He Dhiyaan Mein, Teri Aas, Tere Gumaan Mein
Saba Keh Gayee Mere Kaan Mein, Mere Paas Aa Ouse Bhool Ja

Kisee Aankh Mein Nahi Ashk-E-Gham, Tere Baad Kuch Bhi Nahi Hai Kam
Tujhe Zindagi Ne Bhula Diya, Tou Bhi Muskura Ouse Bhool Ja

Ye Jo Raat Din Hai Khel Sa, Ouse Dekh Ous Per Yaqeen Na Kar
Nahi Aks Koi Bhi Mustaqil, Sar-E-Aaina Ouse Bhool Ja

Jo Bisaat-E-Jaan He Ulat Ta Gaya, Wo Jo Raastay Se Palat Gaya
Ouse Roknay Se Husool Kya, Ouse Mat Bula Ouse Bhool Ja

Kante Nasib Mein Hain

7 October, 2017 | Urdu Poetry Shayari | ,

Kante Nasib Mein Hain,Phulo Ki Chahat Mat Kar
Ye Mere Dil Sambhal Ja Fir Ye Gunah Mat Kar.

Jo Kuch Diya Hai Usne Has Kar Kabul Kar Le,
Aansu Bhi Kimati Hai Khusiyo Ki Chahat Mat  Kar.

Khusbu Bhara Chaman Yah Kisi Aur Ke Liye Hai,
Ye Jaan Kar Bhi Tu, Khud Ko Tabah Mat Kar.

Kirane Taras Na Khati Sabnam Ki Jindagi Par,
Thodi Si Dhoop Ki Khatir Nichi Nigah Mat Kar.

113 pages