Poetry With Lyrics

Tag: Bashir Badr

Doosron ko hamari sazaayen na de,

11 February, 2013 | Shayari by Poets, Urdu Poetry Shayari |

Doosron ko hamari sazaayen na de,
Chandni raat ko bad’duyain na de,

Phool se aashqui ka hunar seekh le,
Titliyan khud rukain gi sadayen na de,

Motiyon ko chupaa sipiyon ki tarah,
Bewafaon ko apni wafayen na de,

Main bikhar jaaon ansuyon ki tarah,
Is qadar pyar se bad’duyain na de..

Ab hai toota sa dil khud se bezaar sa

12 December, 2012 | Shayari by Poets, Urdu Poetry Shayari |

Ab hai toota sa dil khud se bezaar sa
Iss haweli mein lagta tha darbaar sa

Iss tarah saath nibhana hai dushwaar sa
Main bhi talwaar sa tu bhi talwaar sa

Khubsurat se paaon mein zanjeer ho
Ghar mein baitha rahun main giraftaar sa

Gudiya gudde ko becha gaya kharida gaya
Ghar sajaya gaya raat, bazaar sa

Shaam tak kitne hathon se guzrunga
Chaye khanon mein uddi ke akhbar sa

Main farishton ki mohbbat ke layek nahi
Hamsafar koi hota gunahgaar sa

Baat kya hai ke mash’hoor logon ke ghar
Maut ka sog hota hai teohaar sa

Zeena zeena utarta hua aaiina
Usska lehja anokha khankhdaar sa

Vo aligarh ki shaamein kahan kho gayi
Ab vo shayar kahan hai tarahdaar sa

Jub Raat Ki Tanhayi Dil Ban Ke Dharakti Hai

8 July, 2012 | Shayari by Poets, Urdu Poetry Shayari |

Jub Raat Ki Tanhayi Dil Ban Ke Dharakti Hai
Yaadon Ke Jharokon Mein Chilman Si Sirakti Hai

Lobaan Mein Chingaari Jaisay Koi Rakh Jaaye
Yun Yaad Teri Shab Bhar Seenay Mein Sulagti Hai

Yun Pyaar Nahi Chhupta, Palkon Ke Jhukaanay Se
Aankhon Ke Lifaafon Mein Tehreer Chamakti Hai

Khush Rang Parindon Ke Lout Aanay Ke Din Aaye
Bichray Howay Miltay Hain, Jab Barf Pighalti Hai

Shohrat Ki Bulandi Bhi, Pal Bhar Ka Tamasha Hai
Jis Daal Pe Bethay Ho, Wo Toot Bhi Sakti Hai

Na jee bhar ke dekha na kuch baat ki,

31 March, 2009 | Shayari by Poets, Two Lines Poetry Shayari |

Na jee bhar ke dekha na kuch baat ki,
Barri arzoo thi hum ko mulaaqat ki..

Woh bhi bohat akela hai shayed meri tarah,

15 March, 2009 | Shayari by Poets, Two Lines Poetry Shayari |

Woh bhi bohat akela hai shayed meri tarah,
Us ko bhi koi chahney wala naheen milaa..

Koi naa jaan saka woh kahan se aaya tha,

11 January, 2007 | Shayari by Poets, Urdu Poetry Shayari |

Koi naa jaan saka woh kahan se aaya tha,
Aur us ne dhoop se baadal ko kyon milaya tha,

Yeh baat shayed logon ko pasand aayi nahin,
Makaa’n chota tha lekin bohat sajaya tha,

Woh ab wahan hai jahan raste nahin jate,
Main jis ke sath yahan pichle saal aya tha,

Suna hai us pe chehekne lage hain parindey bhi,
Woh aik pau’daa jo hum ne kabhi lagaya tha,

Chiragh doob gaye kapkapaye honton par,
Kisi ka hath hamare labo’n tak aya tha,

Badan ko chorr ke jana hai aasman ki taraf,
Samundro’n ne humain yeh sabaq parhaya tha,

Tamam umar mera da isi dhuyain mein ghutta,
Woh ik chiragh thaa meine usey bhujaya tha..

Agar talash karoon koi mil hi jaye ga,

15 October, 2006 | Shayari by Poets, Urdu Poetry Shayari |

Agar talash karoon koi mil hi jaye ga,
Magar kon tumhari tarah mujh ko chahy ga,

Tumhain zaroor koi chahton se dekhe ga,
Magar woh aankhain hamari kahan se laye ga,

Na jane kab tere dil per neyi si dastak ho,
Makaan khali hua hai to koi aye ga,

Main apni raah main deewar ban ke betha hoon,
Agar woh aaya to kis raste se aaye ga,

Tumhare sath yeh mausam farishton jaisa hai,
Tumhare baad yeh mausam bohat sataye ga..

2 pages