Poetry With Lyrics

Tag: Bahadur Shah Zafar

kije na das mein baith kar apas ki bat chit

28 April, 2013 | Shayari by Poets |

kije na das mein baith kar apas ki bat chit
pohnchegi das hazar jagah das ki bat chit

kab tak rahen khamosh k zahir se ap ki
ham ne bahut suni kas-o-nakas ki bat chit

muddat k bad hazrat-e-naseh karam kiya
farmaye mizaj-e-muqaddas ki bat chit

par tark-e-ishq k liye izhar kuch na ho
main kya karun nahin ye mere bas ki bat chit

kya yad a gaya hai “Zafar” panja-e-nigar
kuch ho rahi hai band-o-mukhmmas ki bat chit

khulta nahin hai hal kisi par kahe bagair

3 February, 2013 | Urdu Poetry Shayari |

khulta nahin hai hal kisi par kahe bagair
par dil ki jan lete hain dilbar kahe bagair

main kyunkar kahun tum ao k dil ki kashish se wo
ayenge daure ap mere ghar kahe bagair

kya tab kya majal hamari k bosa len
lab ko tumhare lab se milkar kahe bagair

bedard tu sune na sune lek dard-e-dil
rahta nahin hai ashiq-e-muztar kahe bagair

taqdir k siwa nahin milta kahin se bhi
dilawata ai ?Zafar? hai muqaddar kahe bagair

Aur zeyada bharrkatey ho tum to aag mohabbat ki,

31 October, 2012 | Two Lines Poetry Shayari |

Aur zeyada bharrkatey ho tum to aag mohabbat ki,
Sozish-e-dil ko aye ashko, Kya khaak bhujana seekhey ho…

ya mujhe afsar-e-shaha na banaya hota

23 May, 2012 | Shayari by Poets |

ya mujhe afsar-e-shaha na banaya hota
ya mera taj gadaya na banaya hota

khaksari k liye garche banaya tha mujhe
kash khak-e-dar-e-janan na banaya hota

nasha-e-ishq ka gar zarf diya tha mujh ko
umr ka tang na paimana banaya hota

apna diwana banaya mujhe hota tune
kyon khirdmand banaya na banaya hota

shola-e-husn chaman mein na dikhaya us ne
warna bulbul ko bhi parwana banaya hota

roz-e-mamura-e-duniya mein kharabi hai ‘Zafar’
aisi basti se to wirana banaya hota

subah ro ro k sham hoti hai

31 March, 2012 | Shayari by Poets |

subah ro ro k sham hoti hai
shab tarap kar tamam hoti hai

samne chashm-e-mast k saqi
kis ko parwah-e-jam hoti hai

koi guncha khila k bul-bul ko
bekali zar-e-dam hoti hai

ham jo kehte hain kuch isharon se
ye kheta la-kalam hoti hai

the kal jo apne ghar mein wo mahman kahan hain

16 March, 2012 | Shayari by Poets |

the kal jo apne ghar mein wo mahman kahan hain
jo kho gaye hain ya rab wo ausan kahan hain

ankhon mein rote rote nam bhi nahin ab to
the maujzan jo pahle wo tufan kahan hain

kuch aur dhab ab to hamein log dekhte hain
pahle jo ai “Zafar” the wo insan kahan hain

ja kahyio un se nasim-e-sahar mera chain gaya meri nind gai

30 July, 2011 | Shayari by Poets |

ja kahyio un se nasim-e-sahar mera chain gaya meri nind gai
tumhen meri na mujh ko tumhari khabar mera chain gaya meri nind gai

na haram mein tumhare yar pata na surag dair mein hai milta
kahan ja k dekhun main jaun kidhar mera chain gaya meri nind gai

ai badshah-e-khuban-e-jahan teri mohni surat pe qurban
k main ne jo teri jabin pe nazar mera chain gaya meri nind gai

hui bad-e-bhari chaman mein ayan gul buti mein baqi rahi na fiza
meri shakh-e-ummid na lai sanwar mera chain gaya meri nind gai

ai barq-e-tajalli bahar-e-Khuda na jala mujhe hijr mein shamma sa
meri zist hai misl-e-chirag-e-sahar mera chain gaya meri nind gai

kehta hai yahi ro ro k “Zafar” meri ah-e-rasa ka hua na asar
teri hijr mein maut na ai abhi mera chain gaya meri nind gai

yahi khana tha shero k aj “Zafar” meri ah-e-rasa mein hua na asar
tere hijr mein maut na ai magar mera chain gaya meri nind gai

3 pages