Poetry With Lyrics

Tag: Anwar Masood

Mard Honi Chahiye, Khatoon Hona Chahiye,

17 May, 2013 | Shayari by Poets, Urdu Poetry Shayari |

Mard Honi Chahiye, Khatoon Hona Chahiye,
Ab Grammer Ka Yehi Kanoon Hona Chahiye,

Nursery Ka Daakhla Bhi Ab Sar’sari Mat Janiye,
Aap Ke Bache Ko Aflaatoon Hona Chahiye,

Raat Ko Bache Parhayi Ki Aziyat Se Bache,
In Ko TV Ka Bohat Mamnoon Hona Chahiye,

Doston English Zaroori Hai Hamare Wastey,
Fail Honey Ko Bhi Koi Mazmoon Hona Chahiye,

Sirf Mehnat Kya Hai Anwar Kamyaabi Ke Liye,
Koi Ooper Se Bhi Telephone Hona Chahiye..

rat ai hai balaon se rihai degi

4 December, 2012 | Shayari by Poets |

rat ai hai balaon se rihai degi
ab na divar na zanjir dikhai degi

vaqt guzra hai par mausam nahin badala yaro
aisi gardish hai zamin khud bhi duhai degi

ye dhundalaka sa jo hai us ko ganimat jano
dekhna phir koi surat na sujhai degi

dil jo tutega to ik tarfa tamasha hoga
kitne ainon main ye shaql dikhai degi

sath ke ghar main bara shor barpa hai ‘Anwar’
koi ayega to dastak na sunai degi

Main apne ghar geya tha woh jab apne ghar gayi,

16 April, 2011 | Shayari by Poets, Two Lines Poetry Shayari |

Main apne ghar geya tha woh jab apne ghar gayi,
Phir mujh ko kya khabar ke wahan se kidhar gayi..

Hai aap ke honton pe jo muskaan wagera,

11 January, 2011 | Shayari by Poets, Urdu Poetry Shayari |

Hai aap ke honton pe jo muskaan wagera,
Qurbaan gaye is pe dil-o-jaan wagera,

Billi to yunhi muft main badnaam huyi,
Thailay mein to kuch aur tha samaan wagera,

Be’hirss o gharzz farzz adaa ki jiye apna,
Jis tarah police karti hai chalaan wagera,

Ab hosh nahin koi ke badaam kahan hai,
Ab apni hatheli pe hain dandaan* wagera,

Har shirt ki bushratt bana dali hai Anwar,
Yun chaak kiya hum ne garebaan* wagera..

Tujhe Mujhse Mujko Tujse Jo Bohat Hi Pyar Hota,

30 October, 2010 | Shayari by Poets, Urdu Poetry Shayari |

Tujhe Mujhse Mujko Tujse Jo Bohat Hi Pyar Hota,
Na Tujhe Qaraar Hota Na Mujhe Qaraar Hota,

Tera Har Marz Ulajhta Meri Jaan-e-natwaan Se,
Jo Tujhe Zukaam Hota Tou Mujhe Bukhaar Hota,

Jo Mein Tujko Yad Karta Tujhe Cheenkna Bhi Parta,
Mere Sath Bhi Yakeenan Yehi Bar Bar Hota,

Kisi Chowk Mein Lagate Koi Chooriyon Ka Khokha,
Tere Sheher Mein Bhi Apna Koi Karobaar Hota,

Gham-o-ranj Aashiqana Nahin, Calculator’aana,
Isey Mein Shumaar Karta Jo To Be’shumaar Hota,

Wahan Zer-e-behess Atey Khat-o-haal O Huye-hubaan,
Gham-e-ishq Per Jo Anwar Koi Seminar Hota..

Shair logon ke bohat yaad hain auron ke liye,

18 April, 2010 | Shayari by Poets, Two Lines Poetry Shayari |

Shair logon ke bohat yaad hain auron ke liye,
Tu milay to main tujhe shair sunaaon apne..

sun to sahii jahaan main hai teraa fasaanaa kyaa

4 January, 2007 | Shayari by Poets, Urdu Poetry Shayari |

sun to sahii jahaan main hai teraa fasaanaa kyaa
kahti hai tujh se Khalq-e-Khudaa Gaibanaa kya

zina saba kaa Dhundati hai apni musht-e-Khaak
baam-e-baland yaar ka hai astana kya

ati hai kis tarah se meri kabz-e-ruuh ko
dekhun to maut dhund rahe hai bahana kya

betab hai kamal hamara dil-e-aziim
mahmaan saray-e-jism ka hoga ravana kya

1 pages