Poetry With Lyrics

Tag: Altaf Hussain Hali

haq wafa ka jo ham jatane lage

10 June, 2013 | Shayari by Poets |

haq wafa ka jo ham jatane lage
ap kuch kah k muskurane lage

ham ko jina parega furqat mein
wo agar himmat azmane lage

dar hai meri zuban na khul jaye
ab wo baten bahut banane lage

jan bachti nazar nahin ati
gair ulfat bahut jatane lage

tum ko karna parega uzr-e-jafa
ham agar dard-e-dil sunane lage

bahut mushkil hai shewa-e-taslim
ham bhi akhir ko ji churane lage

waqt-e-rukhsat tha sakht “Hali” par
ham bhi baithe the jab wo jane lage

age bare na qissa-e-ishq-e-butan se ham

2 August, 2012 | Shayari by Poets |

age bare na qissa-e-ishq-e-butan se ham
sab kuch kaha magar na khule razdan se ham

ab bhagte hain saya-e-ishq-e-butan se ham
kuch dil se hain dare hue kuch asman se ham

hanste hain us k giriya-e-beikhtiyar par
bhule hain bat kah k koi razadan se ham

ab shauq se bigar k baten kiya karo
kuch pa gaye hain ap ki tarz-e-bayan se ham

jannat mein tu nahin agar ye zakhm-e-teg-e-ishq
badlenge tujhko zindagi-e-jawidan se ham

hai justaju k khub se hai khubtar kahan

5 August, 2011 | Shayari by Poets |

hai justaju k khub se hai khubtar kahan
ab dekhiye theharti hai ja kar nazar kahan

yarab is ikhtilat ka anjam ho bakhair
tha us ko ham se rabt, magar is qadar kahan

ik umr chahye k gawara ho naish-e-ishq
rakkhi hai aj lazzat-e-zakhm-e-jigar kahan

ham jis pe mar rahe hain wo hai bat hi kuch aur
alam mein tujhse lakh sahi tu magar kahan

hoti nahin qubul dua tark-e-ishq ki
dil chahta na ho to zuban mein asar kahan

‘Hali’ nishat nagma-o-mai dhundhte ho ab
aye ho waqt-e-subh, rahe rat bhar kahan

dhum thi apni parsai ki

10 July, 2011 | Shayari by Poets |

dhum thi apni parsai ki
ki bhi aur kis se ashnai ki

kyon barhte ho ikhtilat bahut
ham mein taqat nahin judai ki

munh kahan tak chupaoge ham se
ham ko adat hai khudnumai ki

lag mein hai lagw ki baten
sulah mein cher hai larai ki

dil bhi pahlu mein ho to yan
kis se rakhiye ummid dil-rubai ki

na mila koi garat-e-iman
rah gai sharm parsai ki

maut ki tarah jis se darte the
saat a pahunchi us judai ki

zinda phirne ki hai hawas “Hali”
intaha hai ye behayai ki

kahne ki bat ho to use kah sunayiye

11 January, 2009 | Shayari by Poets |

kahne ki bat ho to use kah sunayiye
jo dil pe ban rahi ho, kyon kar dikhayiye

dunya ki ho hawas to dil-o-din ginwayiye
yan khoyiye bahut-sa to kuch ja k payiye

ye kya k dil hai dair mein aur kabe mein maqam
ho rahiye bas wahin k, jahan dil lagayiye

gar jan ka zarar hai mohabbat mein naseho
ham jan hi se baithe hain bezar jayiye

aur aitabar khote hi apna raha-saha
bas a gaya yaqin hamein, qasmein na khayiye

hoti hujum-e-gam mein hai, kyon zahar ki talash
‘Hali’ batayen ap ko, gar kuch khilayiye

age bare na qissa-e-ishq-e-butan se ham

21 November, 2006 | Urdu Poetry Shayari |

age bare na qissa-e-ishq-e-butan se ham
sab kuch kaha magar na khule razdan se ham

ab bhagte hain saya-e-ishq-e-butan se ham
kuch dil se hain dare hue kuch asman se ham

hanste hain us k giriya-e-beikhtiyar par
bhule hain bat kah k koi razadan se ham

ab shauq se bigar k baten kiya karo
kuch pa gaye hain ap ki tarz-e-bayan se ham

jannat mein tu nahin agar ye zakhm-e-teg-e-ishq
badlenge tujhko zindagi-e-jawidan se ham

1 pages