Poetry With Lyrics

Tag: Aitbar Sajid

Kal yeh likhti theen bicharna tumhe manzoor nahin,

5 June, 2012 | Urdu Poetry Shayari |

Kal yeh likhti theen bicharna tumhe manzoor nahin,
Ab yeh kehti ho “mere khat mujhe wapis kar do”,

Main safaayi koi doon ga na wazaahat doon ga,
Tum ko wapis main tumhari yeh amaanat doon ga,
Phir kabhi tumse na milney ki zamanat doon ga,

Bas tumhe tark-e-marasim pe yeh zehmat doon ga,
Tum ho bechain to mein bhi koi masroor nahin,

Kal yeh likhti theen bicharna tumhe manzoor nahin,
Ab yeh kehti ho “mere khat mujhe wapis kar do”..

Judaa bhi honay ka andheshaa seh nahin saktey,

16 July, 2006 | Urdu Poetry Shayari |

Judaa bhi honay ka andheshaa seh nahin saktey,
Hum aik sheher mein ab khush bhi reh nahin saktey,

Yeh roz-o-shab hain hamarey ke aik dusrey se,
Chupaye phirtey hain ehwaal, keh nahin saktey,

Shakist-e-zaat ka izhaar chahtey bhi nahin,
Ajeeb haal hai, hum chup bhi reh nahin saktey,

Haqeeqton ki chattanain bhi apni raah main hain,
Khayal-o-khawb ke daryaa main beh nahin saktey,

Woh be’qasoor hai, aesi bhi koi baat nahin,
Qasoor’waar hain hum, yeh bhi keh nahin saktey..

1 pages