Poetry With Lyrics

Tag: aitbar sajid shayari

Tumhen jab kabhi milain fursatain mere dil se bhoj utaar do..

13 December, 2017 | Shayari by Poets | ,

Tumhen jab kabhi milain fursatain mere dil se bhoj utaar do,
Main bohat dinon se udas hoon mujhe koi sham udhaar do,

Mujhe apne roop ki dhoop do ke chamak sakain mere haal-o-hadh,
Mujhe apne rang main rang do mere sare zung utar do.

Kisi aur ko mere haal se na gharz hai koi na waasta,
Main bikhr gya hoon samait lo, main bigarr geya hoon sanwaar do.

Meri wehshton ko barrhaa diya hai judayion ke azab ne,
Mere dil pe haath rakho zara meri dharrknon ko qarar do,

Tumhe subah kaisi lagi kaho mere khawahshon ke dayaar ki,
Jo bhali lagi to yahin raho, isse chahton se nikhaar do.

Wahan ghar main kon ha muntazir ke ho fikar dair sawair ki,
Barri mukhtsar si yeh raat hai isse chandni main guzaar do.

Koi baat krni ha chand se kisi shakhsaar ki oatt mein,
Mujhe raste main yahin kahin kisi kunj-gul main utar do.

 

Hum bhi shikasta dil hain, pareshan tum bhi ho..

10 December, 2017 | Shayari by Poets, Urdu Poetry Shayari | ,

hum bhi shikasta dil hain

Hum bhi shikasta dil hain, pareshan tum bhi ho,
Andar se raiza raiza meri jaan tum bhi ho,

Hum bhi hain aik ujrre huye sheher ki tarah,
Ankhen bataa rahi hain ke veeraan tum bhi ho,

Darpesh hai humen bhi karri dhoop ka safar,
Saaye ki aarzuu main pareshaan tum bhi ho,

Jese kisi khayaal ka saaya hain do wajood,
Hum bhi agar qayyaas hain, imkaan tum bhi ho,

Mil jayen hum to kesa suhaana saffar katte,
Ghaayal hain hum bhi, sokhta samaan tum bhi ho..

Yeh barson ka taluq torr dena chahte hain hum..

17 November, 2016 | Shayari by Poets | ,

 

Yeh barson ka taluq torr dena chahte hain hum,
Ab apne aap ko bhi chorr dena chahte hain hum,

Kisi dehleez pr ankhon ke yeh roshan diye rakh kar,
Zameeer-e-subh ko jhinjhorr dena chahte hain hum,

Jidhar hum ja rahe hain us taraf toot’ta hua pull hai,
Yeh baaagen is se pehle morr dena chahte hain hum,

Yeh naubat kal jo aani hai to sharminda nahin hon ge,
Maraasim ehtiyatan torr dena chahte hain hum,

Ajab deewangi hai jis ke hum saaye main bethe hain,
Usi deewar se sar phorr dena chahte hain hum,

Taluq kirchiyon ki shakal main bikhraa to hai phir bhi,
Shikasta aayinon ko jorr dena chahte hain hum..

Dekhay Huwaye Kisi Ko Bohat Din

28 April, 2007 | Urdu Hindi SMS | , , , , , , , ,

Dekhay Huwaye Kisi Ko Bohat Din

Dekhay Huwaye Kisi Ko Bohat Din Guzar Gaye
Iss Dil Ki Be-Basi Ko Bohat Din Guzar Gaye

Har Shab Chatton Pe Chaand Utarta Tow Hai Magar
Iss Ghar Mein Chaandni Ko Bohat Din Guzar Gaye

Teri Rifaaqtein Tow Muqqader Mein Hi Na Theen
Ab Apni Hi Kami Ko Bohat Din Guzar Gaye

Muddat Huwee Toot Kar Roya Nahi Hon Mein
Iss Chain Ki Gharri Ko Bohat Din Guzar Gaye

Jo Aitbaar Iss Zakham-e-Hunar Ne Aata Kiya
Danish Woh Shaery Ko Bohat Din Guzar Gaye

1 pages