Poetry With Lyrics

Tag: Ahmad Faraz

is se pahale ke bevafa ho jayain

4 September, 2013 | Shayari by Poets |

is se pahale ke bevafa ho jayain
kyon na ai dost ham juda ho jayain

tu bhi hire se ban gaya patthar
ham bhi kal kya se kya ho jayain

ham bhi majaburiyon ka uzr karain
aur kahin aur mubtala ho jayain

ishq bhi khel hai nasibon ka
khak ho jayain kimiya ho jayain

ab ke gar tu mile to ham tujh se
aise lipatain teri qaba ho jayain

bandagi ham ne cho.d di hai ‘Faraz’
kya karain log jab khuda ho jayain

In Barishon Se Dosti Achi Nahi FARAZ,

17 August, 2013 | Two Lines Poetry Shayari |

In Barishon Se Dosti Achi Nahi FARAZ,
Kacha Makan Hai Tera Kuch Yu Khayal kar.

Itne Bhi Tou Wo Khafaa Nahi Thay

10 August, 2013 | Urdu Poetry Shayari |

Itne Bhi Tou Wo Khafaa Nahi Thay
Jaisay Kubhi Aashna Nahi Thay

Maana Ke Behem Kahan Thay Aisay
Per Yun Bhi Judaa Judaa Nahi Thay

Thi Jitni Bisaat, Ki Parastish
Tum Bhi Tou Koi Khudaa Nahi Thay

Had Hoti Hai Tanz Ki Bhi Aakhir
Ham Tere Nahi Thay, Jaa Nahi Thay

Kis Kis Se Nibhaatay Rafaaqat
Hum Loog Ke Bewafa Nahi Thay

Rukhsat Howa Wo Tou Mein Ne Dekha
Phool Itnay Bhi Khushnuma Nahi Thay

Thay Yun Tou Hum Oski Anjuman Mein
Koi Hamain Dekhta, Nahi Thay

Jab Osko Tha Maan Khud Pe Kia Kia
Tab Ham Bhi “Faraz” Kia Nahi Thay

main to avara shayar hon meri kya vaqat

22 July, 2013 | Shayari by Poets |

main to avara shayar hon meri kya vaqat
ek do git pareshan se ga leta hon

gahe gahe kisi nakam sharabi ki tarah
ek do zahar ke sagar bhi charha leta hon

tu ke ik vadi-e-gulrang ki shahzadi hai
ek bekar se insan ke liye vaqf na ho

tere khvabon ke jaziron main bari raunaq hai
ek anjan se tufan ke liye vaqf na ho

Apni mehroomi ke ehsaas se sharminda hain,

10 July, 2013 | Two Lines Poetry Shayari |

Apni mehroomi ke ehsaas se sharminda hain,
Khud nahin rakhte to auron ke bujhate hain chiragh..

Unglian toot gaen pather tarashte tarashte ?Faraz?!!

5 July, 2013 | Two Lines Poetry Shayari |

Unglian toot gaen pather tarashte tarashte ?Faraz?!!
Aur jab bani soorat-e-yaar tu kharidar aa gaye..

koi aisa pyar ka bazaar hota

3 July, 2013 | Four Lines Poetry Shayari |

koi aisa pyar ka bazaar hota
jis main nilaam wo sar-e-bazar hota

hum usy khareedty sab juch beech kar
aur phir dekhty kesy wo kisi aur k naam hota

25 pages