Poetry With Lyrics

Category: Urdu Design Poetry Shayari

Ashaar mere yuun to zamane ke liye hain..

13 December, 2015 | Urdu Design Poetry Shayari, Urdu Poetry Shayari |

ashaar

Ashaar mere yuun to zamane ke liye hain,
Kuch sher faqat un ko sunaane ke liye hain,

Ab yeh bhi nahin theek ke har dard mittaa dain,
Kuch dard kaleje se lagane ke liye hain,

Aankhon main jo bhar loge to kaanton se chubhen ge,
Yeh khawb to palkon pe sajaane ke liye hain,

Dekhon tere hathon ko to lagta hai tere haath,
Mandir main faqat deep jalaane ke liye hain,

Yeh ilm ka sauda yeh risaale yeh kitaaben,
Ik shakss ki yaadon ko bhulaane ke liye hain.

Apni tasveer ko aankhon se lagaata kya hai..

13 December, 2015 | Urdu Design Poetry Shayari |

mere qisse mere yaron ko

Apni tasveer ko aankhon se lagaata kya hai,
Ik nazar meri taraf bhi tera jaata kya hai,

Meri ruswaayi main woh bhi hain baraabar ke shareek,
Mere qisse mere yaron ko sunaata kya hai,

Paas reh kar bhi na pehchaan saka tu mujh ko,
Duur se dekh ke ab haath hilaata kya hai,

Zehn ke pardon pe manzil ke hayuule na bana,
Ghaur se dekhta jaa raah main aata kya hai,

Zakhm-e-dil jurm nahin torr bhi de mohr-e-sukuut,
Jo tujhe jaante hain un se chupaata kya hai,

safar-e-shauq main kyuun kaanpte hain paaon tere,
Aaankh rakhta hai to phir aankh churaata kya hai,

Umr bhar apne girebaan se ulajhne wale,
Tu mujhe mere hi saaye se daraata kya hai,

Chandni dekh ke chehre ko chupaane wale,
Dhoop main baith ke ab baal sukhaata kya hai,

Mar gaye pyaas ke maare to utha abr-e-karam,
Bujh gayi bazm to ab shammaa jalaata kya hai,

Main tera kuch bhi nahin hon magar itna to bata,
Dekh kar mujh ko tere zehn main ata kya hai,

Tera ehsas zara sa teri hasti payab,
To samandar ki tarah shor machaata kya hai,

Teri awaz ka jaadu sa chale ga un par,
Jaagne waalon ko “shehzad” jagaata kya hai..

Tere milne ka gumaa’n, tere na milne ki khalish..

11 February, 2015 | Urdu Design Poetry Shayari |

terenamilnekikhalish
Tere milne ka gumaa’n, tere na milne ki khalish,
Waqt guzre ga to yeh zakham bhi bhar jayen ge..

 

Us Ko Mujh Se Bari Mohabbat Ha

7 August, 2013 | Urdu Design Poetry Shayari | , ,

Us Ko Mujh Se Bari Mohabbat Ha

Khwaab Hote He Khubsurat Hain

Us Ko Mujh Se Bari Mohabbat Ha

KuCh Tu SaKoOn Is DiL kO bHi MiL jAta

6 August, 2013 | Urdu Design Poetry Shayari | , , ,

KuCh Tu SaKoOn Is DiL kO bHi MiL jAta….
KaAsh K TeRi YaAd Ka bHi RoZa HoTaA….

KuCh Tu SaKoOn Is DiL kO bHi MiL jAta

Bin Dekhe Usey Ya RAB Ye EID Na Guzre

2 August, 2013 | Urdu Design Poetry Shayari | ,

Bin Dekhe Usey Ya RAB Ye EID Na Guzre

Kar Paida Aisa Koi Sabab Yeh EID Na Guzre

Duniya Ko Dikhaya Hai Jo Ek Chand Tu Ne

Mujh Ko Bhi Dikha Ab Yeh EID Na Guzar Jaye

Bin Dekhe Usey Ya RAB Ye EID Na Guzre

Chaak-E-DaMan Ko Jo Dekha To Mila EID Ka Chaand

2 August, 2013 | Urdu Design Poetry Shayari | , , , ,

Chaak-E-DaMan Ko Jo Dekha To Mila EID Ka Chaand,
Apni Tasveer Kahan Bhool Gaya EID Ka Chaand,

Unke Abroey-KhaMeeda Ki Tarah Teekha Hai,
Apni Aankhon Mein Badi Der Chubha EID Ka Chaand,

Door Veeran Basere Mein Diya Ho Jiase,
GaM Ki Deewar Se Dekha To Laga EID Ka Chaand,

Leke Haalaat Ke Seraon Mein Aa Jaata Hai,
Aaj Bhi Halat Ki Rangeen Fiza EID Ka Chaand,

Talhiyaan Badh Gayi Jab Zeest Ke PaiMaane Mein,
Gholke Dard Ke Maaron Ne Piya EID Ka Chaand,

ChashM To Wusat-E-AflaaQ Mein Khoyi,
Dil Ne Ek Aur Jagah Dhoond Liya EID Ka Chaand

Chaak-E-DaMan Ko Jo Dekha To Mila EID Ka Chaand

5 pages