Poetry With Lyrics

Category: Shayari by Poets

Tumhen jab kabhi milain fursatain mere dil se bhoj utaar do..

13 December, 2017 | Shayari by Poets | ,

Tumhen jab kabhi milain fursatain mere dil se bhoj utaar do,
Main bohat dinon se udas hoon mujhe koi sham udhaar do,

Mujhe apne roop ki dhoop do ke chamak sakain mere haal-o-hadh,
Mujhe apne rang main rang do mere sare zung utar do.

Kisi aur ko mere haal se na gharz hai koi na waasta,
Main bikhr gya hoon samait lo, main bigarr geya hoon sanwaar do.

Meri wehshton ko barrhaa diya hai judayion ke azab ne,
Mere dil pe haath rakho zara meri dharrknon ko qarar do,

Tumhe subah kaisi lagi kaho mere khawahshon ke dayaar ki,
Jo bhali lagi to yahin raho, isse chahton se nikhaar do.

Wahan ghar main kon ha muntazir ke ho fikar dair sawair ki,
Barri mukhtsar si yeh raat hai isse chandni main guzaar do.

Koi baat krni ha chand se kisi shakhsaar ki oatt mein,
Mujhe raste main yahin kahin kisi kunj-gul main utar do.

 

Nazar faraib qazaa kha gayi to kya hoga..

12 December, 2017 | Shayari by Poets | ,

Nazar faraib qazaa kha gayi to kya hoga,
Hayaat maut se takraa gayi to kya hoga,

Neyi seher ke bohat muntazir hain magar,
Neyi seher bhi jo kujlaa gayi to kya hoga,

Na rehnamaaon ki majliss main le chalo mujh ko,
Main be-adab hoon hanssi agayi to kya hoga,

Gham hayaat se beshak hai khud-kushi asaan,
Magar jo maut bhi sharmaa gayi to kya hoga..

Meri khamoshiyon main larzaan hain..

12 December, 2017 | Shayari by Poets | ,

Meri khamoshiyon main larzaan hain
Mere naalon ki gum-shuda awaz

 

Tumhari yaad ke jab zakham bharne lagte hain..

12 December, 2017 | Shayari by Poets | ,

Tumhari yaad ke jab zakham bharne lagte hain,
Kisi bahaane tumhen yaad karne lagte hain..

 

Lagta nahii hai dil mera ujrre dayaar mein..

12 December, 2017 | Shayari by Poets | ,

 

 

Lagta nahii hai dil mera ujrre dayaar mein,
Kis ki bannii hai aalam e na-paayedaar mein,

Keh do in hasraton se kahin aur ja basen,
Itni jagah kahan hai dil-e-daaghdaar main,

Umr-e-daraaz maang ke laaye the chaar din,
Do aarzuu mei katt gaye do intizaar main,

Kaanton ko mat nikaal chaman se o baaghbaan,
Yeh bhi gulon ke saath pale hain bahaar main,

Bulbul se koi shikwa na sayaad se gila,
Qismat mein qaid likhi thi fasl-e-bahaar main,

Kitna hai bdnaseeb “zafar” dafn ke liye,
Do gaz zameen bhi na mili kuu-e-yaar main..

 

Baat karni mujhe mushkil kabhi aesi to na thi..

12 December, 2017 | Shayari by Poets | ,

 

Baat karni mujhe mushkil kabhi aesi to na thi,
Jaisi ab hai teri mehfil kabhi aisi to na thi,

Le geya chheen ke kaun aaj tera sabr-o-qaraar,
Beqaraari tujhe ae dil kabhi aesi to na thi,

Uss ki ankhon ne khuda jaane kiya kya jaadu,
Ke tabiyat meri maayel kabhi aisi to na thi,

Akss-e-rukhsaar ne kis ke hai tujhe chamkaaya,
Taab tujh main mah-e-kamil kabhi aesi to na thi,

Ab ke jo raah-e-mohabbat main uthaayi takleef,
Sakht hoti humen manzil kabhi aisi to na thi,

Nigaah-e-yaar ko ab kyun hai taghaaful ae dil,
Woh tere haal se ghaafil kabhi aisi to na thi,

Chashm-e-qatil meri dushman thi hamesha lekin,
Jaisi ab ho gayi qaatil kabhi aesi to na thi,

Kya sabbab tu jo bigarrta hai “zafar” se har baar,
Khuu teri huur-shamaayel kabhi aesi to na thi..

 

Ajeeb taur ki hai ab ke sargiraani meri..

12 December, 2017 | Shayari by Poets | ,

Ajeeb taur ki hai ab ke sargiraani meri,
Main tujh ko yaad bhi kar loon to meherbani meri,

Main apne aap me gehraa utar geya shayed,
Mere safar se alag ho gayi rawaani meri,

Bass ek morr mere zindagi me aaya tha,
Phir iss ke baad ulajhti gayi kahaani meri,

Tabaah ho ke bhi rehta hai dil ko dharrka sa,
Ke raayegaan na challi jaaye raigaani teri,

Main apne baad bohat yaad aaya karta hoon,
Tum apne paas na rakhna koi nishaani meri..

 

161 pages