Poetry With Lyrics

Category: Shayari by Poets

Mana ke teri deed ke qabil nahin hoon main..

16 April, 2017 | Shayari by Poets | ,

Mana ke teri deed ke qabil nahin hoon main,
Tu mera shauq dekh, mera intezaar dekh..

Parakhna mat, parakhne se koi apna nahin rehta..

13 April, 2017 | Shayari by Poets | ,

Parakhna mat, parakhne se koi apna nahin rehta,
Kisi bhi aayine main dair tak chehra nahin rehta,

Barre logon se milne main hamesha fasle rakhna,
Jahan darya samandar se mila darya nahin rehta,

Hazaron sher mere so gaye kaghaz ki qabron main,
Ajab maan hoon koi bacha mera zinda nahin rehta,

Tumhara shehr to bilkul naye andaz wala hai,
Hamare shehr main bhi ab koi hum sa nahin rehta,

Mohabbat aik khushbuu hai hamesha sath chalti hai,
Koi insan tanhayi main bhi tanha nahin rehta,

Koi baadal haray mausam ka phir ailaan karta hai,
Khizaan ke bagh main jab aik bhi pataa nahin rehta..

 

Sabaq aesa parrhaa diya tu ne..

21 December, 2016 | Shayari by Poets | ,

Sabaq aesa parrhaa diya tu ne,
Dil se sab kuch bhula diya tu ne..

Hui hai shaam to ankhon main bass geya phir tu..

8 December, 2016 | Shayari by Poets, Two Lines Poetry Shayari | ,

 

Hui hai shaam to ankhon main bass geya phir tu,
Kahaan geya hai mere sheher ke musaafir tu..

Hum shaikh, na leader..

28 November, 2016 | Shayari by Poets, Two Lines Poetry Shayari | ,

Hum shaikh, na leader, na masaahab, na sahafi,
Jo khud nahin karte woh hidaayet na karen ge..

Woh baat saare fasaane main jis ka zikr na tha..

23 November, 2016 | Shayari by Poets, Two Lines Poetry Shayari | ,

 

Woh baat saare fasaane main jis ka zikr na tha,
Woh baat un ko bohat naa-gawaar guzri hai..

Shikwa karen to kis se shikayet karen to kya..

18 November, 2016 | Shayari by Poets | ,

 

Shikwa karen to kis se shikayet karen to kya,
Ik raayegaan amal ki reyazat karen to kya,

Jis sheyy ne khatam hona hai akhir ko aik din,
Us sheyy ki itne dukh se hifazat karen to kya,

Maani nahin munir kisi kaam main yahan,
Itaat karen to kya, baghaawat karen to kya..

153 pages